«مەن دە پرەزيدەنتتىڭ جاستار كادر رەزەرۆىنىڭ مۇشەسى رەتىندە وسى جاۋاپتى ءارى باعىتى ايقىن جولمەن ءجۇرىپ كەلەمىن. مەملەكەت باسشىسىنىڭ بۇل باستاماسى جاس بۋىنعا سەنىم ارتىپ, باسقارۋ ىسىنە جاڭا سەرپىن بەرۋدى كوزدەيدى. سول سەنىمدى اقتاپ, ءوڭىرىمىزدىڭ اتىن ابىرويمەن تانىتاتىنىڭىزعا سەنەمىن», دەلىنگەن وبلىس اكىمىنىڭ قۇتتىقتاۋىندا.
2025 جىلعا ارنالعان رەزەرۆ قۇرامىنا ەنگەن الماگۇل باۋىرجانقىزى «اگروونەركاسىپتىك كەشەن جانە قورشاعان ورتانى قورعاۋ» باعىتى بويىنشا ىرىكتەۋدەن سۇرىنبەي ءوتىپ, ۇزدىكتەر قاتارىنان تابىلدى. ەڭبەك جولىن 2019 جىلى جەزقازعان قالاسىنداعى №24 مەكتەپتە حيميا ءپانى مۇعالىمى بولىپ باستاعان. قازىر №24 مەكتەپ ديرەكتورىنىڭ تاربيە ءىسى جونىندەگى ورىنباسارى.
ا. انۋاربەكوۆا ايماقتىق وليمپيادا مەن عىلىمي بايقاۋدىڭ ساراپتامالىق كوميسسيا مۇشەسى, ەكولوگيالىق باعىتتاعى عىلىمي جوبالار جەتەكشىسى. رەسپۋبليكالىق دەڭگەيدەگى ەكولوگيالىق جوبا بايقاۋلارىنىڭ جەڭىمپازى. سونىمەن قاتار حالىقارالىق NXplorers جانە CLIL ءبىلىم بەرۋ باعدارلامالارىنىڭ سەرتيفيكاتىن العان جاتتىقتىرۋشى.
ۇلىتاۋ وبلىسى
