فوتو: egemen.kz/قىرمىزى جۇماعاليقىزى
ۇكىمەت قاۋلىسىنىڭ ءتيىستى جوباسىن دەنساۋلىق ساقتاۋ مينيسترلىگى جاڭا جىلدان باستاپ كۇشىنە ەنەتىن جاڭا سالىق كودەكسىن ىسكە اسىرۋ اياسىندا ازىرلەگەن. جوبادا مەديتسينالىق قىزمەتتەر مەن دارىلىك زاتتاردىڭ تىزبەسىن بەكىتۋ كوزدەلگەن.
ولاردىڭ وتكىزىلۋى مەن يمپورتى ققس-تان بوساتىلادى.
شارا ورفاندىق جانە الەۋمەتتىك ءمانى بار اۋرۋلاردى ەمدەۋگە, دياگنوستيكالاۋعا, پروفيلاكتيكالاۋعا جانە وڭالتۋعا قاتىستى دا قولدانىلادى.
قاۋلىنى قابىلداۋ:
● ققس ەسكەرمەي تەگىن مەديتسينالىق كومەكتىڭ كەپىلدەندىرىلگەن كولەمى (تمككك) جانە ءمامس شەڭبەرىندە مەديتسينالىق قىزمەتتەردى كورسەتۋگە;
● سيرەك كەزدەسەتىن جانە الەۋمەتتىك ءمانى بار اۋرۋلاردى ەمدەۋگە ارنالعان ءدارى-دارمەكتەردى قوسا العاندا, ءدارى-دارمەكتەردى سالىقتان بوساتۋعا;
● دارىلىك زاتتاردى تۇپكىلىكتى تۇتىنۋشىلارعا وتكىزگەنگە دەيىن ولاردى اكەلۋگە ققس بويىنشا جەڭىلدىك بەلگىلەۋگە وڭ اسەر ەتەدى.
ققس-تان بوساتۋ مەديتسينالىق ۇيىمدار ءۇشىن قارجىلىق جۇكتەمەنى ازايتۋعا, پاتسيەنتتەر ءۇشىن مۇمكىندىكتەردى كەڭەيتۋگە جانە وتاندىق فارماتسەۆتيكالىق كومپانيالار ءۇشىن قولايلى جاعدايلار جاساۋعا مۇمكىندىك بەرەدى.
ۆەدومستۆو جەڭىلدىكتەر تمككك, ءمامس تىزبەسىنە كىرمەيتىن نەمەسە ۋاكىلەتتى ورگان بەكىتكەن ورفاندىق جانە الەۋمەتتىك ءمانى بار اۋرۋلاردى ەمدەۋگە ەنبەگەن قىزمەتتەر كورسەتەتىن جەكە مەديتسينالىق ۇيىمدارعا قولدانىلمايتىنىن ەسكەرتىپ وتىر.
ايتا كەتەتىن تاعى ءبىر ماڭىزدى جايت جەكە سەكتوردا مەديتسينالىق قىزمەتتەر كورسەتۋ, دارىلىك زاتتار مەن مەديتسينالىق بۇيىمداردى وتكىزۋ ءۇشىن ققس-تىڭ تومەندەتىلگەن مولشەرلەمەسى 2026 جىلدان باستاپ – 5%, 2027 جىلدان باستاپ 10% بولىپ بەلگىلەندى.
