كومپانيانىڭ ايماقتىق فيليالىن اشىپ, پايدا تابۋدى كوزدەگەن ت.تەڭەلباەۆا اتالمىش كومپانيانىڭ قىزمەتىمەن تولىق تانىسىپ, «Telegram» جەلىسىندەگى «Remo 888» اككاۋنتى ارقىلى بايلانىس ورناتقان. كەيىن «HRT» جۇيەسىنە جاڭا سالىمشىلاردى تىركەۋ ارقىلى ءوز پايداسىن ارتتىرۋ جوسپارىن قۇرعان. جاڭا قاتىسۋشىلاردى تارتقانى ءۇشىن ول ءار سالىمشىدان 15 پايىز كولەمىندە سىياقى الىپ كەلگەن. وسىلايشا, وبلىس اۋماعىندا قارجى پيراميداسىن ۇيىمداستىرىپ, جالپى كولەمى 33 004 300 تەڭگە ماتەريالدىق شىعىن كەلتىرگەنى انىقتالدى.
اپپەلياتسيالىق سوت ۇكىمىمەن ت. تەڭەلباەۆا قك-ءنىڭ 217-بابى 3-بولىگىنىڭ 2-تارماعىمەن جانە قك-ءنىڭ 218-بابى 1-بولىگىندە كوزدەلگەن قىلمىستاردى جاساعانى ءۇشىن كىنالى دەپ تانىلىپ, وعان 6 جىل مەرزىمگە باس بوستاندىعىنان ايىرۋ جازاسى تاعايىندالدى. بىراق قك-ءنىڭ 74-بابىنىڭ 1-بولىگى قولدانىلىپ, ايىپتالۋشىنىڭ كامەلەتكە تولماعان بالالارىنىڭ بولۋىنا بايلانىستى جازانى وتەۋ 5 جىل مەرزىمگە كەيىنگە قالدىرىلدى.
سونىمەن قاتار, جابىرلەنۋشىلەرگە كەلتىرىلگەن زالالدى وتەۋ ءۇشىن, سوتتالۋشى قىلمىستىق جولمەن ساتىپ العان قۇنى 5 604 000 تەڭگەلىك «Changan Alsvin» اۆتوكولىگى تاركىلەندى.
