فوتو: اشىق دەرەككوز
Energy Monitor ارناسىنىڭ حابارلاۋىنشا, ەكسپورتتىق جانە ىشكى نارىقتاعى جانارماي باعاسىنىڭ اراسىنداعى ايىرماشىلىق تونناسىنا 100 مىڭ تەڭگەدەن اسادى (ەسپ, پقوس, ەكسپورت شىعىندارى جانە ترەيدەرلەرگە جەڭىلدىكتەردى ەسەپكە الا وتىرىپ).
ەلىمىزدە جىل سايىن 18 ميلليون توننادان استام مۇناي وڭدەلەدى. الايدا مۇناي ءوندىرۋشى كومپانيالار جىل سايىن 1,8 ترلن تەڭگە (3,3 ملرد دوللار) كولەمىندە قوسىمشا تابىس الا الماي وتىر. بۇل سومانى قازاقستان ازاماتتارىنىڭ سانىنا بولسەك, ءار تۇرعىنعا 90 مىڭ تەڭگە (165 دوللار) تيەتىنىن كورسەتەدى. ايتا كەتەرلىگى, بۇل «جاسىرىن تابيعي رەنتا» قازىرگى كەزدە بالالارعا تاعايىندالاتىن ۇلتتىق قوردان بولىنەتىن كەشبەكتەن (110 دوللار) كوپ.
ساراپشىلار اتاپ وتكەندەي, دەفيتسيتتىڭ نەگىزگى سەبەپتەرى:
- قازاقستاننىڭ ءۇش ءموز زاۋىتتارى ءوز ماكسيمالدى قۋاتىندا جۇمىس ىستەيدى, ال الەمدە مۇنداي تولىق جۇكتەمە سيرەك كەزدەسەدى;
- حالىق سانى مەن ازاماتتاردىڭ تۇتىنۋ دەڭگەيى وسۋدە;
- اۆتوكولىك ساتىپ الۋ, جانارمايعا سۇرانىس, اۆيا جانە تۋريستىك سەكتورداعى ءوسۋ بايقالادى;
- جىل سايىن بەنزين مەن ديزەلدىڭ ەكسپورتىن شەكتەيمىز, الايدا ىشكى باعالاردىڭ ارزان بولۋى كورشى ەلدەرگە كەتۋىنە جول اشادى.
ساراپشىلار ەگەر مەملەكەتتىك رەتتەۋ جالعاسا بەرسە, الداعى جىلى جانارماي بەكەتتەرىندە ۇزىن-سونار كەزەك پەن تاپشىلىقتىڭ قالىپتاسۋى مۇمكىن ەكەنىن ەسكەرتەدى.