فوتو: pixabay.com
ساۋالناماعا 81 ەلدەن 799 باسشى قاتىسقان. قاتىسۋشىلاردىڭ شامامەن 60 پايىزى تاريفتەر مەن ساۋدا كەلىسىمدەرىندەگى وزگەرىستەردى كاسىپتەگى نەگىزگى تاۋەكەل فاكتورى ەكەنىن العا تارتقان. كەيىنگى كەدەرگى – گەوساياسي قاقتىعىستار.
ازيا, ەۋروپا, ءۇندىستان جانە سولتۇستىك امەريكا وكىلدەرى ساۋدا ساياساتىن باستى قاۋىپ رەتىندە اتاسا, قىتايدى ەكونوميكالىق تۇراقسىزدىق, لاتىن امەريكاسى مەن تاياۋ شىعىستى ساياسي قاقتىعىستار كوبىرەك الاڭداتىپ وتىر.
الايدا كەي كومپانيالار وزگەرىستەردەن ءوسۋ مۇمكىندىگىن بايقاي العان. ساۋدا وزگەرىستەرىن مۇمكىندىك دەپ سانايتىن باسشىلاردىڭ ۇلەسى ءبىر جىلدا ەكى ەسەگە جۋىق وسكەن. 2024 جىلدىڭ سوڭىندا مۇنداي پىكىردەگىلەر 8 پايىزدان 2025 جىلدىڭ كۇزىندە 15 پايىزعا دەيىن ارتقان.
رەسپوندەنتتەردىڭ 34 پايىزى ساۋدا شارتتارىنىڭ وزگەرىسىنە دايىن ەكەنىن ايتقان.
الەم بويىنشا كومپانيالاردىڭ ۇشتەن ەكىسى اقش-تىڭ ساۋدا ساياساتىنىڭ ىقپالىمەن بيزنەس پروتسەستەرىن قايتا قاراعان.
ساۋدا وزگەرىستەرىنە وپتيميستىك كوزقاراس قىتاي كومپانيالارىنىڭ وكىلدەرىنەن اڭعارىلادى. ەۋروپا مەن سولتۇستىك امەريكادا پەسسيميستىك كوڭىل-كۇي قالىپتاسقان.
رەسپوندەنتتەردىڭ 53 پايىزى الداعى جارتى جىلدا ەلدەرىندە جۇمىسسىزدىق وسەدى دەپ ەسەپتەيدى. بۇل قاتاردا سولتۇستىك امەريكا مەن ەۋروپا, دامۋشى ەلدەر وكىلدەرى بار. قىتاي وسى تۇرعىدا جاعداي تۇراقتى ەكەنىن كورسەتكەن.
سونىمەن قاتار, كومپانيالاردا كەدەرگىلەرگە قاتىستى ناقتى ءىس-قيمىلدار دا باستالعان. الەم بويىنشا كومپانيالاردىڭ ۇشتەن ەكىسى اقش-تىڭ ساۋدا ساياساتىنىڭ ىقپالىمەن بيزنەس-پروتسەستەرىن قايتا قاراعان.
ەڭ ءجيى جاسالاتىن قادامدار ىشىندە ستسەناريلىك جوسپارلاۋ, تاريفتىك شەشىمدەردىڭ ىقتيمال ناتيجەلەرىن تالداۋ;
• باعا ساياساتىن قايتا قاراۋ;
• جەتكىزۋ تىزبەكتەرىن تۇزەتۋ;
• جەتكىزۋشىلەرمەن جاڭا شارتتار بويىنشا كەلىسسوزدەر جاساۋ;
• ءونىم ديزاينىن وزگەرتۋ جانە كاپيتالدى قايتا ءبولۋ سىندى باستامالار كەزدەسكەن.
