بۇعان دەيىنگى جىلدارى قازاقستان قۇراماسى جەنەۆادا (2022), سينگاپۋردا (2023) جانە گرەكيادا (2024) وتكەن جارىستاردا دا ءبىرىنشى ورىندى يەلەنگەن. وسىلايشا, ەلىمىز تاريحتا العاش رەت FGC ءتۋرنيرىنىڭ ءتورت دۇركىن چەمپيونى اتاندى. بۇل جەتىستىك حالىقارالىق STEM-ءبىلىم بەرۋ سالاسىندا تەڭدەسسىز كورسەتكىش سانالادى.
بيىلعى وليمپياداعا الەمنىڭ 190 ەلىنەن كوماندالار قاتىستى. قازاقستاندىق وقۋشىلار ەكى ەڭ بەدەلدى اتالىمدا التىن مەدال جەڭىپ الدى:
– Grand Challenge Award (التىن) – روبوتتاردىڭ ىرىكتەۋ ويىندارىندا رەكورد ورناتىپ, ابسوليۋتتىك چەمپيون بولعان كومانداعا بەرىلەتىن باستى جۇلدە;
– Albert Einstein Award (التىن) – ينجەنەرلىك شەشىمدەر, تەحنيكالىق شەبەرلىك, كوماندالىق جۇمىس جانە كوشباسشىلىق كورسەتكىشتەرى بويىنشا ۇزدىك كومانداعا تاعايىندالاتىن ەڭ جوعارى تورەشىلەر سىيلىعى.
مينيسترلىك مالىمەتىنشە, بۇل جەتىستىك قازاقستاندىق ءبىلىم بەرۋ جۇيەسىندە ينجەنەرلىك جانە تەحنولوگيالىق باعىتتاردى دامىتۋعا ەرەكشە سەرپىن بەرەدى. ەل كومانداسىنىڭ تابىسى مەكتەپ وقۋشىلارىنىڭ جوعارى تەحنيكالىق دايىندىق دەڭگەيىن جانە حالىقارالىق دەڭگەيدەگى باسەكەگە قابىلەتتىلىگىن دالەلدەيدى.
