فوتو: kazgazeta.kz
اتالعان سوتتىڭ مالىمەتىنە سۇيەنسەك, شاعىم تۇسىرۋگە مەملەكەتتىك سوت ورىنداۋشىسىنىڭ بۇرىن سوت ۇكىمىمەن سوتتالعان ن.-عا (بورىشكەر) قاتىستى ءىس اياسىندا ەكى سەرىكتەستىكتەن كىرىس ءوندىرىپ الۋعا ارەكەتتەنگەن قاۋلىلار سەبەپ بولعان.
ء«ىس بويىنشا سوت ورىنداۋشىسى سەرىكتەستىكتەردىڭ وزدەرى اتقارۋشىلىق ءىس جۇرگىزۋدىڭ تاراپتارى بولىپ تابىلماسا جانە ولاردىڭ قاتىسۋشىلارىنا ديۆيدەندتەر تولەمەگەنىمەن, بورىشكەر ن.-نىڭ جاۋاپكەرشىلىگى شەكتەۋلى سەرىكتەستىكتەگى ۇلەسىنە پروپورتسيونالدى تۇردە «تابىستىڭ» 50 پايىزىن ءوندىرۋ تۋرالى قاۋلىلار قابىلداعان. سوت مۇنداي ارەكەتتەر كومپانيالاردىڭ قۇقىقتارىن بۇزىپ, سوت ورىنداۋشىسىنىڭ وكىلەتتىگى شەگىنەن شىققانىن انىقتادى. زاڭعا سايكەس, جشس-نىڭ پايداسىن ءبولۋ تەك اكتسيونەرلەردىڭ جالپى جينالىسىندا جانە ناقتى كىرىستى العان كەزدە شەشىلەدى. سوندىقتان, سوت ەكى قاۋلىنى نەگىزسىز شىعارىلعان دەپ تاۋىپ, كۇشىن جويدى. مەملەكەتتىك سوت ورىنداۋشىسىنا زاڭ بۇزۋشىلىقتاردى تۇزەتۋگە ءبىر اي ۋاقىت بەرىلدى», دەپ حابارلادى اتالعان سوتتان.
اپەللياتسيالىق سوت القاسىنىڭ ۇيعارىمىمەن سوت شەشىمى زاڭدى كۇشىنە ەندى. شەشىم ورىندالدى.
