فوتو: وقۋ-اعارتۋ مينيسترلىگى
بيىل جاڭا فورماتتاعى 140-قا جۋىق مەكتەپتىڭ 7 مىڭنان استام پەداگوگى بىلىكتىلىكتى ارتتىرۋ كۋرسىنان ءوتتى. قازىرگى تاڭدا وقىتۋ ناتيجەلەرىن باعالاۋ ماقساتىندا قورىتىندى تەستىلەۋ جۇرگىزىلىپ جاتىر.
تەستىلەۋ قورىتىندىسى بويىنشا قاتىسۋشىلارعا كاسىبي دامۋىن ودان ءارى جالعاستىرۋعا ارنالعان جەكە ۇسىنىمدار بەرىلەدى. الداعى ۋاقىتتا ۆەبينارلار, سەمينارلار, شەبەرلىك ساباقتار جانە باسقا دا ءبىلىم بەرۋ ءىس-شارالارىن وتكىزۋ جوسپارلانعان.
وقۋ-اعارتۋ مينيسترلىگىنىڭ مالىمەتىنشە, «كەلەشەك مەكتەپتەرىنىڭ» پەداگوگتەرى LMS پلاتفورماسى ارقىلى ونلاين وقۋدان ءوتتى. كۋرستار بازالىق دەڭگەيدەگى 11 ءپاندى: باستاۋىش سىنىپ, قازاق, ورىس جانە اعىلشىن تىلدەرى, ماتەماتيكا, ينفورماتيكا, فيزيكا, حيميا, بيولوگيا, گەوگرافيا جانە تاريح قامتىعان. وتكەن جىلى ءدال وسىنداي بىلىكتىلىكتى ارتتىرۋ كۋرستارىنان 35 مەكتەپتەن 2 مىڭنان استام پەداگوگ وتكەن.
