اتىراۋدا ينسپەكتورعا پارا بەرۋشى ۇستالدى

اتىراۋ. 19 اقپان. اتىراۋدا جىلجىمالى جەدەل باسقارۋ ورتالىعىنىڭ  ينسپەكتورىنا پارا بەرمەك بولعان كولىك جۇرگىزۋشىسى ۇستادى. بۇل تۋرالى egemen.kz ءتىلشىسى حابارلادى. «جولدىڭ قاراما-قارسى باعىتىنا شىعىپ, جول ەرەجەسىن ورەسكەل بۇزعان «ۆاز-21014» كولىگىنىڭ جۇرگىزۋشىسى اكىمشىلىك حاتتاما تولتىرتپاي, جاۋاپكەرشىلىكتەن قاشۋ ءۇشىن ينسپەكتورعا ەكى مىڭ تەڭگە كولەمىندە پارا بەرمەك بولعان. بەينەباقىلاۋ ينسپەكتورى سول بويدا اتىراۋ وبلىستىق ىشكى ىستەر دەپارتامەنتىنىڭ وزىندىك قاۋىپسىزدىك باسقارماسىنا حابارلايدى. اتالعان باسقارمانىڭ قىزمەتكەرلەرى 1978 جىلى تۋعان جۇرگىزۋشىنى بۇلتارتپاس ايعاقپەن ۇستادى. قازىر پارا بەرۋشىنى ءتيىستى جاۋاپكەرشىلىككە تارتۋ ماسەلەسى شەشىلۋدە», دەپ حابارلادى دەپارتامەنتتىڭ ءباسپاسوز حاتشىسى گۇلنازيرا مۇحتاروۆا. ونىڭ ءمالىم ەتۋىنشە, جىل باسىنان بەرى اكىمشىلىك پوليتسيا باسقارماسىنىڭ جول-پاترۋلدىك قىزمەتكەرلەرى جولدا ءجۇرۋ ەرەجەلەرىن بۇزۋدىڭ 13 000 (ون ءۇش) مىڭعا جۋىق فاكتىسىن انىقتادى. تىركەلگەن فاكتىنىڭ 7 مىڭنان استامى جول ەرەجەسىن ورەسكەل بۇزعاندارعا قاتىستى بولىپ وتىر. جولداسبەك شوپەعۇل. دەرەك: اتىراۋ وبلىستىق ىشكى ىستەر دەپارتامەنتى. سۋرەت: alashainasy.kz.