سۋرەت: rus.baq.kz
شاحتاداعى ءاربىر جۇمىس كۇنى – جاۋاپكەرشىلىك پەن باتىلدىقتى تالاپ ەتەتىن اۋىر ەڭبەك. سول ەڭبەكتىڭ مەملەكەت تاراپىنان باعالانىپ, قۇرمەت كورسەتىلۋى – كاسىبىمىزگە دەگەن ۇلكەن سەنىم مەن قولداۋ.
ءومىرىمدى تاۋ-كەن ىسىمەن بايلانىستىرعانىما وكىنگەن ەمەسپىن. بۇل – اكەمىزدىڭ سالعان سارا جولى, اۋلەتىمىز بىرنەشە بۋىن بويى وسى سالادا تەر توگىپ كەلەدى. سوندىقتان بۇل اتاق – مەنىڭ عانا ەمەس, بۇكىل كەنشىلەر اۋلەتىنىڭ ەڭبەگىنە بەرىلگەن باعا.
ماراپات العانداردىڭ اراسىندا الىس اۋىلداردا تۇرىپ, كەن, مۇناي-گاز, اۋىل شارۋاشىلىعى, ءبىلىم مەن دەنساۋلىق ساقتاۋ, وزگە دە سالالاردا جۇمىس ىستەپ, ەل ەكونوميكاسىن وركەندەتۋگە ۇلەس قوسىپ جۇرگەن قاراپايىم جۇمىسشىلار كوپ.
اسا مارتەبەلى ماراپات جاڭا جەتىستىكتەرگە جىگەرلەندىرەدى. الداعى ۋاقىتتا دا ەل كەلەشەگىنە ادال ەڭبەك ەتىپ, جاس بۋىنعا ۇلگى بولۋعا تىرىسامىز. بۇل اتاق – مەنىڭ عانا ەمەس, بارشا كەنشىلەردىڭ ورتاق جەمىسى.
قاراعاندى وبلىسى
