فوتو: primeminister.kz
قازىر قازاقستاندا 12 مىڭعا جۋىق كىتاپحانا رەسپۋبليكالىق دەڭگەيدەن باستاپ اۋىلدىق ەلدى مەكەندەرگە دەيىن حالىققا قىزمەت كورسەتەدى. سونىڭ 4 مىڭعا جۋىعى مادەنيەت جانە اقپارات مينيسترلىگىنىڭ قاراماعىندا. ايدا بالاەۆا قۇتتىقتاۋىندا رۋحاني مۇرانى ساقتايتىن قازىنالى ورىندا قىزمەت اتقارىپ جۇرگەن كىتاپحاناشىلاردىڭ ەڭبەگىن ەرەكشە اتاپ ءوتتى.
«كىتاپحانا – ۇلتتىڭ رۋحاني دامۋىنىڭ تۇعىرى, ءبىلىم مەن مادەنيەتتىڭ باستاۋ-بۇلاعى. ول تەك اقپارات ورتالىعى ەمەس, حالىقتىڭ تاريحي جادى مەن رۋحاني مۇراسىن ساقتايتىن قازىنا, ۇلتتىق سانانى كەمەلدەندىرەتىن ورتا. مەملەكەت باسشىسى اتاپ وتكەندەي: «كىتاپحانا – مەملەكەتتىڭ, ۇلتتىڭ نەگىزگى جادى». سوندىقتان ءبىز ءبىلىم مەن عىلىمعا ۇمتىلعان قوعام قالىپتاستىرۋعا ۇدايى كۇش سالۋىمىز قاجەت.
مەكتەپتەر مەن كوللەدجدەردە, جوعارى وقۋ ورىندارى مەن عىلىمي-زەرتتەۋ ۇيىمدارىندا جۇمىس ىستەيتىن كىتاپحانالار دا قوعامنىڭ زياتكەرلىك الەۋەتىن ارتتىرۋعا ماڭىزدى ۇلەس قوسىپ كەلەدى. بۇل سالادا ەلىمىز بويىنشا 20 مىڭعا جۋىق كاسىبي مامان ەڭبەك ەتەدى. سىزدەردىڭ قاجىرلى ەڭبەكتەرىڭىزدىڭ ارقاسىندا ەلىمىزدىڭ ءاربىر ازاماتى بىلىمگە جول تاۋىپ, رۋحاني بايلىققا قول جەتكىزىپ وتىر. الداعى ۋاقىتتا دا ۇلت بولاشاعىن تاربيەلەۋ, قوعامنىڭ مادەني دەڭگەيىن كوتەرۋ جانە ۇلتتىق قۇندىلىقتاردى دارىپتەۋ باعىتىنداعى قىزمەتتەرىڭىز جەمىستى بولسىن. قۇرمەتتى ارىپتەستەر! كاسىبي مەرەكەلەرىڭىزبەن قۇتتىقتاي وتىرىپ, بارشاڭىزعا زور دەنساۋلىق, وتباسىلارىڭىزعا اماندىق, شىعارماشىلىق شابىت جانە تولايىم تابىس تىلەيمىن! مەرەكە قۇتتى بولسىن», دەدى مينيستر.
