فوتو: naryk.kz
اتامەكەن ۇلتتىق كاسىپكەرلەر پالاتاسى ءباسپاسوز قىزمەتىنىڭ مالىمەتىنشە, جوعارىدا اتالعان ساناتقا ەنەتىندەر تابىسىنىڭ 4%-ى مولشەرىندە بىرىڭعاي تولەم تولەيدى. بۇل مولشەرلەمەگە زەينەتاقى, مەديتسينالىق جانە الەۋمەتتىك اۋدارىمدار كىرەدى. ياعني اي سايىنعى تابىسى 1,25 ملن تەڭگەگە دەيىنگى ازاماتتار يپ اشپاي-اق زاڭدى تۇردە جۇمىس ىستەي الادى.
«بۇل وزگەرىس ارتىق بيۋروكراتيانى ازايتىپ, قىزمەتىن زاڭداستىرۋدى جەڭىلدەتەدى. قازىرگى تاڭدا رۇقسات ەتىلگەن 46 قىزمەت ءتۇرى بار, ال قوسىمشا 115 قىزمەت ءتۇرىن ەنگىزۋ ۇسىنىلدى — وعان كۋرەرلىك, تۇرمىستىق قىزمەتتەر مەن شاعىن ءوندىرىس كىرەدى. سالىق كودەكسىندەگى بۇل وزگەرىستەر ءوزىن-ءوزى جۇمىسپەن قامتىعانداردى قولداۋعا جانە شاعىن بيزنەستى دامىتۋعا باعىتتالعان, سونىڭ ناتيجەسىندە مىڭداعان ازامات ءوز قىزمەتىن زاڭدى تۇردە جۇرگىزىپ, الەۋمەتتىك قورعاۋعا يە بولماق», دەلىنگەن حابارلامادا.
سونداي-اق ۇلتتىق پالاتا تابىس مولشەرىنە قويىلعان شەكتەۋلەردى جانە قىزمەتتى جەكە (جۇمىسشىلارسىز) جۇرگىزۋ تالاپتارىن ەسكەرە وتىرىپ, ۇلتتىق پالاتا قوسىمشا 115 قىزمەت ءتۇرىن ەنگىزۋ جونىندە ۇسىنىس جىبەرگەن.
