اتالعان ورتالىقتىڭ «ادەمى» ءانسامبلىنىڭ ونەرپازى, مادەنيەت سالاسىنىڭ ارداگەرى, رەجيسسەر ەركىن قاسەنوۆ «اشىق ميكروفون» فورماتىندا وقۋشىلارىمەن پىكىر الماستى ءارى ۇلتجاندىلىق مازمۇنىندا ولەڭدەر وقىپ, جاستاردىڭ رۋحتانۋىنا ۇلەس قوستى.
ال, ءاليحانتانۋشى, فيلولوگيا عىلىمدارىنىڭ كانديداتى, الاش عىلىمي-زەرتتەۋ ينستيتۋتىنىڭ ديرەكتورى سۇلتان حان اققۇل ۇلى ءجۇسىپ وقۋشىلارعا الاش يدەياسىنىڭ ءمان-ماڭىزى مەن تاۋەلسىزدىككە قوسقان ۇلەسى تۋرالى بايانداپ, جاستاردىڭ سۇراقتارىنا تۇششىمدى جاۋاپتارىن بەردى.
كەزدەسۋ بارىسىندا وقۋشىلارعا قازاقستاننىڭ العاشقى كونستيتۋتسياسىن جاساعان زاڭگەرلەردىڭ تاريحي ءرولى جانە ناقتى ەڭبەكتەرى تۋرالى قىزىقتى دەرەكتەر ۇسىنىلدى.
قازاق ينتەلليگەنتسياسىنىڭ تاريحىن ناسيحاتتاۋعا باعىتتالعان ءىس-شارانىڭ باستى ماقساتى – جاستاردى الاش قايراتكەرلەرىنىڭ تاۋەلسىزدىك جولىنداعى ەڭبەگىمەن, زاڭ سالاسىنداعى جەتىستىكتەرىمەن تانىستىرۋ, ۇلتجاندىلىق رۋحىندا تاربيەلەۋ ەدى.
«كەزدەسۋدىڭ تانىمدىق اسەرى زور بولدى. اعا بۋىن وكىلدەرىنىڭ ۇلگى ىستەرى – ءبىز ءۇشىن ونەگە. قازىرگى ۋاقىتتا 10 سىنىپ وقۋشىلارى الاش قايراتكەرلەرى تۋرالى دەرەكتى فيلم ءتۇسىرۋ يدەياسىن قولعا الىپ وتىر, سول سەبەپتى كەش وتە پايدالى بولدى, تىڭ ماعلۇماتتار الدىق», دەدى 10-سىنىپ وقۋشىسى ەستاي ەرتاي.
