«گازپرومنىڭ» مالىمەتىنشە, 2025 جىلعى 19 قازاندا ورىنبور گاز وڭدەۋ زاۋىتىنا ۇشقىشسىز اۋە اپپاراتىنىڭ شابۋىلى سالدارىنان اپاتتى جاعداي تىركەلگەن. سونىڭ ناتيجەسىندە زاۋىت قاراشىعاناق كەن ورنىنان شيكىزات گاز قابىلداۋدى ۋاقىتشا توقتاتقان.
- قازىرگى ۋاقىتتا زاۋىتتىڭ زاقىمدانۋ دارەجەسى مەن جۇمىستى قالپىنا كەلتىرۋ مەرزىمى جونىندە رەسەيلىك تاراپتان اقپارات تۇسكەن جوق, - دەپ مالىمدەدى قر ەنەرگەتيكا مينيسترلىگىنەن.
ۆەدومستۆونىڭ حابارلاۋىنشا, قازاقستان ءوز اۋماعىن گازبەن قامتاماسىز ەتۋدە ەشقانداي زارداپ شەككەن جوق, گاز ىشكى تۇتىنۋشىلارعا قالىپتى رەجيمدە, ەشقانداي شەكتەۋسىز جەتكىزىلۋدە.
- قاراشىعاناق شيكىزاتىن وڭدەۋ مەن مۇناي وندىرۋگە ىقتيمال اسەر ماسەلەسى كەن پايدالانۋشىلارىمەن بىرلەسىپ قاراستىرىلىپ جاتىر. شىعىن كولەمى مەن الداعى شارالار تۋرالى قوسىمشا حابارلاناتىن بولادى, - دەلىنگەن اقپاراتتا.
ەنەرگەتيكا مينيسترلىگى جاعدايدى باقىلاۋدا ۇستاپ, رەسەيلىك تاراپ پەن كەن ورنى وپەراتورلارىمەن تۇراقتى بايلانىس ورناتقان.
