قۇرمەتتى وتانداستار!

قازاقستان حالقى اسسامبلەياسى سىزدەردى ۇلىستىڭ ۇلى كۇنى ناۋرىز مەيرامىمەن قۇتتىقتايدى! ناۋرىز – جالپىحالىقتىق مەيرام. ونىڭ باستاۋىندا بەيبىتشىلىك, كەلىسىم, وتانعا دەگەن ادال سەزىم, ماقساتتاردىڭ باستاۋى, جاڭارۋ جاتىر. بۇل كۇندەرى ەلىمىزدىڭ بارلىق وڭىرىندە قازاقستان حالقى اسسامبلەياسىنىڭ «اسار» رەسپۋبليكالىق الەۋمەتتىك اكتسياسى وتۋدە. بۇل ءىس-شارا دا قايىرىمدىلىق پەن ىزگىلىك جاساۋ ارقىلى بىرلىگىمىزدىڭ ىرگەسىن ودان ءارى نىقتاي تۇسۋگە باعىتتالعان. ناۋرىز مەرەكەسىن اتاپ ءوتۋ ارقىلى بىزدەر ورتاق ءداستۇرلى قۇندىلىقتارىمىزدى جاڭعىرتۋعا, قامقورلىق جاساۋعا, زور سەنىم مەن ەڭبەكسۇيگىشتىكتى, اشىقتىق پەن تولەرانتتىلىقتى قالىپتاستىرامىز. بۇل كۇنى بىزدەر جاقىندارىمىزعا جاناشىر بولىپ, قورشاعان ورتامىزعا قۋانىش پەن باقىت سىيلايمىز. بۇگىندە قازاقستان تاريحىندا جاڭا كەزەڭ باستالدى. پرەزيدەنت ن.ءا.نازارباەۆ تاياۋداعى ءوزىنىڭ ۇندەۋىندە بەس حالىقتىق رەفورمانى اتاپ كورسەتتى – بۇل ءبىزدىڭ مەملەكەتىمىزدىڭ بىرلىگى مەن تۇراقتىلىعىنىڭ بەس قادامى. بۇل «2050» ستراتەگياسى جانە «نۇرلى جول» باعدارلامالارىن جۇزەگە اسىرۋعا باستار جول. سوندىقتان بۇگىن ءار قازاقستاندىق قوعامدىق كەلىسىم مەن بىرلىگىمىزدىڭ ارقاسىندا مىندەتتەردىڭ ءساتتى بولارىنا سەنىمدى. قىمباتتى جەرلەستەر ناۋرىز – تۋعان جەرىمىزدىڭ قايتا جاڭارۋىنىڭ كورىنىسى. بارشالارىڭىزدى كوكتەم مەرەكەسى, جىل باسى ناۋرىز مەيرامىمەن شىن جۇرەكتەن قۇتتىقتايمىز. ۇلىستىڭ ۇلى كۇنى ءاربىر شاڭىراققا قۋانىش, باقىت, ىزگى ۇمىتتەر الا كەلسىن. وتانىمىز قازاقستان گۇلدەنە بەرسىن! ۇلىس وڭ بولسىن! اق مول بولسىن! ناۋرىز مەيرامى قۇتتى بولسىن!