فوتو: Offside.kz
باسىلىمنىڭ مالىمەتىنشە, داستان ساتباەۆ قازىرگى تاڭدا «قايراتتىڭ» ەڭ جارقىن جۇلدىزدارىنىڭ ءبىرى سانالادى. ول 2024 جىلدىڭ مامىر ايىندا, نەبارى 15 جاسىندا ەل پرەمەر-ليگاسىندا دەبيۋت جاساپ, سول ساتتەن باستاپ جانكۇيەرلەر مەن ساراپشىلاردىڭ نازارىن وزىنە اۋداردى. فۋتبولشى شەشۋشى ماتچتاردا كوماندانى العا جەتەلەپ, ءوزىنىڭ ۇلكەن پوتەنتسيالىن دالەلدەدى.
The Guardian ماقالاسىندا جاس قازاقستاندىقتىڭ ەۋروپا ارەناسىنداعى جەتىستىكتەرى دە اتاپ وتىلگەن. ساتباەۆ چەمپيوندار ليگاسىنىڭ ىرىكتەۋ كەزەڭىندە سلوۆەنيانىڭ «وليمپيا» كلۋبىنىڭ قاقپاسىنا گول سوعىپ, فينليانديانىڭ كۋپس كومانداسىمەن كەزدەسۋدە ەرەكشە ويىنىمەن كوزگە ءتۇستى. ال سلوۆاكيانىڭ «سلوۆانىمەن» وتكەن ماڭىزدى ويىندا سوڭعى مينۋتتاردا پەنالتي ورىنداپ, «قايراتقا» 1:0 ەسەبىمەن جەڭىس سىيلاعان.
بريتان باسىلىمى سونىمەن قاتار اعىلشىن الپاۋىتتارى – «چەلسيدىڭ» جاس شابۋىلشىمەن 4 ميلليون ەۋرو كولەمىندە كەلىسىمشارت جاساسقانىن جازادى. ساراپشىلاردىڭ بولجامىنشا, ونىڭ نارىقتىق قۇنى الداعى جىلدارى ەداۋىر وسەدى.
سونىمەن قاتار داستاننىڭ جىلدامدىعى, تەحنيكاسى مەن قابىلەتى ءوز جاسىنان الدەقايدا جوعارى ەكەنى ەرەكشە اتالعان. 2026 جىلدىڭ تامىز ايىندا ول رەسمي تۇردە «ستەمفورد بريدجگە» قوسىلىپ, اعىلشىن پرەمەر-ليگاسىندا ءوز شەبەرلىگىن كورسەتۋگە مۇمكىندىك الادى.
