فوتو: ەرلان ومار
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, تەك قىركۇيەك ايىنىڭ وزىندە بۇل كومەكتى 789,7 مىڭ وتباسى الدى. ونىڭ ىشىندە 544,9 مىڭ كوپبالالى وتباسى – 38,9 ملرد تەڭگە, ال 244,8 مىڭ ناگرادتالعان انا – 6,6 ملرد تەڭگە كولەمىندە جاردەماقىعا يە بولدى.
ەستەرىڭىزگە سالا كەتەيىك, كوپبالالى وتباسىلارعا بەرىلەتىن مەملەكەتتىك جاردەماقى 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلارعا تابىسىنا قاراماستان ۇمىتكەر بولا الادى. تولەم مولشەرى بالا سانىنا بايلانىستى ەسەپتەلەدى. 2025 جىلى بۇل جاردەماقىلاردىڭ ايلىق مولشەرى:
- 4 بالاسى بارلارعا – 63 030 تەڭگە;
- 5 بالاعا – 78 798 تەڭگە;
- 6 بالاعا – 94 565 تەڭگە;
- 7 بالاعا – 110 332 تەڭگە;
- 8 جانە ودان دا كوپ بالاسى بار وتباسىلارعا – ءار بالاعا 15 728 تەڭگەدەن.
ال ناگرادا العان انالارعا («التىن القا», «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان) اي سايىنعى جاردەماقى تاعايىندالادى. 2025 جىلى ونىڭ مولشەرى:
- «كۇمىس القا» القاسىمەن ناگرادتالعان انالارعا – 6,40 اەك نەمەسە 25 165 تەڭگە;
- «التىن القا» القاسىمەن ناگرادتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا – 7,40 اەك نەمەسە 29 097 تەڭگە.
ايتا كەتسەك, 2025 جىلدىڭ 1 قاڭتارىنان باستاپ بالالى وتباسىلارعا ارنالعان بارلىق مەملەكەتتىك جاردەماقىلاردىڭ كولەمى 6,5%-عا ارتتى.
