كورمەگە سۋرەتشىنىڭ 40 جىلدىق شىعارماشىلىق عۇمىرىنىڭ ءارتۇرلى كەزەڭىن قامتيتىن 100-دەن استام تۋىندى قويىلعان.
قۋاندىق ءمادىر – «تالبەسىك», «جىر-جايىق», «بويتۇمار» ء(ىى توم), «سۋرەت سالۋدىڭ نەگىزگى زاڭدىلىقتارى مەن ەرەجەلەرى», «ناتيۋرمورت سالۋ جولدارى», «ادام باسى اناتومياسىن بەينەلەۋ جانە ونەر تاريحى» كىتاپتارى مەن وقۋ قۇرالدارىنىڭ, 2010 جىلى ءۇش تىلدە جارىق كورگەن «جازيرا-جايىق» «باتىس قازاقستان سۋرەتشىلەرى» البومى مەن 100-دەن استام عىلىمي ماقالا, جيناق-كاتالوگتاردىڭ اۆتورى. ونىڭ شىعارمالارى ەلىمىزدەگى مۋزەي قورلارىندا, الىس-جاقىن شەتەلدەگى جەكە كوللەكتسيالاردا ساقتالىپ, كەيبىر ەڭبەگى «قازاقستان بەينەلەۋ ونەرى» V (بەس) تومدىعىنا, تۇركىتىلدەس 17 مەملەكەتتىڭ 240 قىلقالام شەبەرىنىڭ شىعارماسى توپتاستىرىلعان « ۇلىق ۇلىس – التىن وردا», «تۇران» ءرومانتيزمى قوستومدىعىنا ەنگەن.
كورمەنىڭ اشىلۋ سالتاناتىنا جەرگىلىكتى سۋرەتشىلەر, مادەنيەت جانە ونەر سالاسىنىڭ قىزمەتكەرلەرى, ستۋدەنتتەر قاتىستى. شارا ۇستىندە قر سۋرەتشىلەر وداعى بقو فيليالىنىڭ توراعاسى اسحات ءابدەشەۆ مەرەيتوي يەسىن «قر سۋرەتشىلەر وداعىنا 90 جىل» ەستەلىك مەدالىمەن جانە العىس حاتپەن ماراپاتتادى.
باتىس قازاقستان وبلىسى
