فوتو: egemen.kz/ ەرلان ومار
جاڭا بيزنەس-يدەيالاردى ىسكە اسىرۋعا 5 ميلليون تەڭگە بەرىلەدى.
بۇل بايقاۋعا تىزىلىمگە ەنگىزىلگەن الەۋمەتتىك كاسىپكەرلەر, سونداي-اق ء«بىر اۋىل – ءبىر ءونىم» باعدارلاماسىنىڭ فيناليستەرى قاتىسا الادى. وتىنىمدەر تەك ونلاين فورماتتا, kezekte.kz پلاتفورماسى ارقىلى قابىلدانادى. ۇمىتكەرلەر 2025 جىلدىڭ 15 قازانىنان 20 قازانىنا دەيىن ءوتىنىم بەرۋى ءتيىس.
گرانت الۋ ءۇشىن كاسىپكەرلەر كەلەسى تالاپتارعا ساي بولۋى كەرەك:
• جوبانى كەمىندە 20% كولەمىندە ءوز قارجىسىمەن بىرلەسىپ قارجىلاندىرۋ;
• جاڭا جۇمىس ورىندارىن قۇرۋ;
• جوبانى جۇزەگە اسىرۋعا ارنالعان ينفراقۇرىلىم مەن ينۆەستيتسيالىق جوسپار بولۋى كەرەك.
جەڭىمپازدار قارجىنى نەگىزگى قۇرالدار مەن شيكىزاتتى ساتىپ الۋعا, ماتەريالدىق ەمەس اكتيۆتەر مەن تەحنولوگيالاردى, فرانچايزينگ (كەشەندى كاسىپكەرلىك ليتسەنزيا) ساتىپ الۋعا جۇمساي الادى. عىلىمي-زەرتتەۋ جانە جاڭا تەحنولوگيالاردى ەنگىزۋ شىعىندارىن دا وتەۋگە رۇقسات بەرىلەدى.
بيزنەس-جوبانى ىسكە اسىرۋ مەرزىمى گرانت شارتىنا قول قويىلعان كۇننەن باستاپ 18 ايدان اسپاۋى ءتيىس.
ەگەر كورسەتىلگەن مەرزىم ىشىندە كاسىپكەرلىك قىزمەت جۇزەگە اسپاسا نەمەسە نەگىزگى قۇرال ساتىلىپ, بالامالى م ۇلىكپەن اۋىستىرىلماسا, كاسىپكەر الىنعان قاراجاتتى تولىق كولەمدە قايتارۋعا مىندەتتى.
ۇيىمداستىرۋشى: استانا قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى.
ەلەكتروندىق پوشتا: b.kasymov@astana.kz
تەلەفوندار: 55-69-03, 55-69-19, 55-69-21, 55-69-10.
قالا اكىمدىگى گرانت قاراجاتىن باسقا ماقساتتارعا پايدالانۋعا قاتاڭ تىيىم سالىناتىنىن ەسكەرتىپ وتىر.
