وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى قۇتتىباي سادىقوۆتىڭ دەرەگىنە قاراعاندا, پوليتسەيلەر مەن ەركىتلەر ەسىرتكى سايتتارىن جارنامالاعان 70-تەن اسا گراففيتيدى جويعان.
«زاڭسىز اينالىمنان جالپى سالماعى 180 كيلودان اساتىن ەسىرتكى تاركىلەندى. ونىڭ ىشىندە اسا اۋىر ساناتقا جاتاتىن 3 كيلودان استام سينتەتيكالىق ەسىرتكى زاتى بار. پوليتسي قىزمەتكەرلەرى جۇرگىزگەن جەدەل-ىزدەستىرۋ شارالارى كەزىندە زاڭسىز 2 فيتوزەرتحانا, ەسىرتكى تاسىمالداۋدىڭ 3 ارناسى جويىلدى. ەسىرتكىلىك ماس كۇيدە اۆتوكولىك جۇرگىزگەن 40 ادام جاۋاپقا تارتىلدى. وبلىس اۋماعىندا ەسىرتكى تاسىمالداۋمەن اينالىسقان 25 كۇدىكتى ۇستالدى. ولاردىڭ 9-ى وزگە وبلىستان كەلگەنى, جاسى كامەلەتكە تولماعان 5 كۇدىكتىنىڭ كوللەدج ستۋدەنتتەرى مەن مەكتەپ وقۋشىسى ەكەنى انىقتالدى», دەيدى قۇتتىباي سادىقوۆ.
ونىڭ مالىمەتىنشە, پوليتسەيلەر عالامتور جەلىسىنە كۇن سايىن جۇرگىزىلگەن مونيتورينگ ارقىلى ەسىرتكىنى جارنامالايتىن 925 سايتتى انىقتاپ, ىشكى ىستەر مينيسترلىگىنە بۇعاتتاۋعا جولداعان. ال «انتيفرود» اقپاراتتىق جۇيەسىندە كۇدىك تۋدىرعان 11 948 ەسەپشوت انىقتالىپ, 36 ميلليون تەڭگەدەن استام قارجى بۇعاتتالعان.
