فوتو: سۋ رەسۋرستارى جانە يرريگاتسيا مينيسترلىگى
جوبالاۋ-سمەتالىق قۇجات 2023 جىلى قايتا قارالىپ, تۇزەتۋلەر ەنگىزۋ باستالعان. قازىر ءجۇرىپ جاتقان قۇرىلىس-مونتاج جۇمىستارى جوسپارعا سايكەس 2026 جىلدىڭ ءساۋىر ايىندا اياقتالادى.
سالا مينيسترلىگىنىڭ مالىمەتىنشە بۇگىندە ءۇش سۋ قاقپاعى مەن بۇراندالى كوتەرگىشتەر الىنىپ, قايتا ورناتىلعان. بوگەتتىڭ سۋ تاسيتىن بولىگىندە ارماتۋرالىق تورلار تولىق ورناتىلىپ, بەتون قۇيۋ جۇمىستارىنىڭ 90 پايىزى اياقتالعان. سونىمەن قاتار وزەننىڭ جوعارعى بولىگى لاي مەن تۇنبادان تازارتىلىپ, قوسالقى بوگەت تۇرعىزىلىپ جاتىر. «قازاقستان» ماگيسترالدى كانالىنىڭ سۋ الۋ نىسانىندا دا جوندەۋ جۇمىستارى قاتار جۇرگىزىلىپ جاتىر.
سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆتىڭ ايتۋىنشا جوبانىڭ ماقساتى – «جاڭا-توعان» كانالىنا سۋدى تيىمدىرەك جەتكىزۋ, وزەن تۇبىندەگى لاي مەن شوگىندىنىڭ سۋعا ارالاسپاۋىن قامتاماسىز ەتۋ جانە بالىقتاردىڭ قىرىلۋىنىڭ الدىن الۋ.
«ال ماگيسترالدى كانال مەن ونداعى قۇرىلىستاردى جوندەۋ سۋدىڭ دۇرىس بولىنۋىنە, ىسىراپتىڭ ازايۋىنا جانە سۋدى ۇنەمدەپ پايدالانۋعا مۇمكىندىك بەرەدى», دەدى ە.يبرايحانوۆ.
