زاڭگەردەن زاڭعارعا دەيىن

قالامگەر ءوز شىعارمالا­رىن 70-جىلداردىڭ سوڭىندا باس­تاپ, 80-جىلدارى قارقىن­دى جازا تۇسسە دە, وقىرماندى ەڭ الدى­مەن «نوبەل سىيلىعى ءدال قاي ەڭبەگىنە بەرىلدى؟» دەي­تىن سۇراق مازالايتىنى راس. بۇل ساۋالعا nobelprize.org رەس­مي سايتى «ماراپات ونىڭ اپوكا­ليپتيكالىق تەرروردىڭ ىشىندە ونەردىڭ قۇدىرەتىن كور­سەتە­تىن كوركەم دە كورەگەن شىعار­ما­شى­لىعى ءۇشىن بەرىلدى», دەپ جا­­ۋاپ جازدى. بۇعان قوسا نو­­بەل ما­راپاتىن تاعايىن­داي­­­تىن ۇيىم­ دەرەك كوزدەرىندە سۋ جاڭا لاۋ­رەاتتى ورتالىق ەۋ­رو­پا داس­تۇرىندەگى كورنەكتى ەپي­كا­لىق جازۋشى رەتىندە
سيپاتتاعان.

ول 1954 جىلى 5 قاڭ­تار­دا دۇنيەگە كەلگەن. زاڭگەر كا­سى­بىن يگەرگەن اكەسى مەن الەۋ­مەت­تىك قاۋىپسىزدىك سالاسىندا جۇمىسشى بولعان اناسى با­لا كەزىندە لاسلونىڭ ەۆرەي تەگى بار ەكەنىن جاسىرعان كورى­نەدى. اكەسىنىڭ جولىن قۋىپ زاڭ­گەرلىكتى وقىعان ل.كراسنا­حوركاي كەيىن ءتىل-ادەبيەتكە بەت بۇرىپ, زاڭعار جازۋشىعا اينالدى.

لاسلونىڭ قالامىنان «ساي­تان تانگوسى», «ۆەركمەيستر ۇيلەسىمى», «تۋرين جىلقىسى», «لوندون ادامى», «جازىقتاعى ساياحات» سەكىلدى بىرقاتار تۋىندى تۋعان. ول نەگىزىنەن كۇردەلى فيلوسو­فيا­عا قۇرىلعان انتي­ۋتوپيا ­جان­ر­ى ارقىلى ادە­بيەتكە جاڭالىق اكەلدى. ەندى وسى باعىتقا – تەرەڭ وي­عا جەتەلەيتىن ورتالىق ەۋرو­پا شى­عار­مالارىنا قىزىعۋ­شى­لىق ارتا­تىنى انىق.

ايتپاقشى, جازۋشى – كوپ­تەگەن ەڭبەگىن كينو تىلىندە سوي­لەتۋدى دە شەبەر مەڭگەرگەن كاسىبي كينوستسەناريست. بۇل قابىلەتى دە ادەبي تۋىندىلاردى وقىرمانعا كەڭىنەن تانىتۋعا سەپتىگىن تيگىزگەن سەكىلدى. ال­داعى ۋاقىتتا ونىڭ شىعارمالارى قا­زاق تىلىنە دە اۋدارىلادى دەپ ۇمىتتەنەمىز.