فوتو: ۆيدەوسكرين, qazaqormany
مەملەكەت باسشىسى ورمان قورى اۋماعىنا 2 ملرد اعاش وتىرعىزۋ جونىندەگى تاپسىرما بەرگەنى ءمالىم. اتالعان كوميتەتتە جاريالانعان مالىمەتكە سۇيەنسەك, پرەزيدەنت تاپسىرماسىن ورىنداۋ شەڭبەرىندە 2021 جىلدان باستاپ شامامەن 1 ملرد 400 ملن ءتۇپ كوشەت وتىرعىزىلعان.
بيىلعى جوسپار – 372,7 ملن دانا, ونىڭ 241,3 ملن داناسى كوكتەمدە وتىرعىزىلسا, قالعان كولەمدى ورىنداۋ كۇزگى كەزەڭدە جالعاسىپ وتىر.
سولتۇستىك قازاقستان وبلىسىندا – 3,4 ملن-نان استام كوشەت;
شىعىس قازاقستان وبلىسىندا – 2,3 ملن ءتۇپ كوشەت;
پاۆلودار وبلىسىندا – 540 مىڭ ءتۇپ كوشەت;
قاراعاندى وبلىسىندا – 300 مىڭ ءتۇپ كوشەت وتىرعىزىلدى.
اتالعان جۇمىستار قوستاناي جانە اباي وبلىستارىندا دا باستالعان.
