«German Water Partnership» – گەرمانيانىڭ سۋ سالاسىنداعى حالىقارالىق قاۋىمداستىعى. ول سۋ رەسۋرستارى سالاسىنداعى 300-دەن اسا ۇيىمدى بىرىكتىرەدى. قاۋىمداستىق مۇشەلەرىنىڭ قاتارىندا ۋنيۆەرسيتەت دەڭگەيىندەگى ينستيتۋتتار, قۇرىلىس كومپانيالارى, كونسۋلتانتتار مەن الەمگە تانىمال وندىرۋشىلەر بار.
كەلىسىم قازاقستانعا سۋ ۇنەمدەۋ تەحنولوگيالارىن ەنگىزۋ, يننوۆاتسيالىق شەشىمدەردى پايدالانۋ, كليماتتىق قاتەرلەرگە, سۋ تاسقىنى مەن قۋاڭشىلىققا قارسى توزىمدىلىكتى ارتتىرۋ, سونداي-اق مامانداردى وقىتۋ جانە دايارلاۋ كەزىندە ۇزدىك حالىقارالىق تاجىريبەلەردى قولدانۋعا مۇمكىندىك بەرەدى.
بۇگىندە گەرمانيا تاجىريبەسى سۋ رەسۋرستارىن بولجاۋ, مودەلدەۋ جانە ەسەپكە الۋ بويىنشا تسيفرلىق جوبالاردى جۇزەگە اسىرۋدا قولدانىلىپ كەلەدى. نەمىس تەحنولوگيالارى گيدروتەحنيكالىق نىسانداردىڭ قۇرىلىسى كەزىندە دە پايدالانىلىپ ءجۇر.
ۆيتسە-پرەمەر قانات بوزىمباەۆ پەن GWP اتقارۋشى ديرەكتورى بوريس گرايفەندەر ىنتىماقتاستىقتىڭ كەلەشەگىن تالقىلادى. كەزدەسۋدە «German Water Partnership» قولداۋىمەن سۋ رەسۋرستارى جانە يرريگاتسيا مينيسترلىگىنىڭ اقپاراتتىق-تالداۋ ورتالىعى بازاسىندا قازاقستان-گەرمانيا سۋ يننوۆاتسيالىق حابىن قۇرۋ ۇسىنىلدى.
كەلىسىمگە قول قويىلعان سوڭ تاراپتار قۇجات جاڭا بىرلەسكەن قازاقستاندىق-گەرماندىق جوبالاردى دامىتۋعا بەرىك نەگىز بولاتىنىنا سەنىم ءبىلدىردى.
