فوتو: pixabay.com
ونىڭ سوزىنشە, كەيىنگى ۋاقىتتا الەۋمەتتىك جەلىلەردە ونلاين-كازينو مەن باسقا دا قۇمار ويىنداردىڭ جارناماسى كوبەيىپ كەتكەن. بۇل جاعداي حالىقتىڭ, اسىرەسە جاستاردىڭ ويىنقۇمارلىققا تاۋەلدى بولۋ قاۋپىن كۇشەيتىپ وتىر.
«ونلاين-كازينونى جارنامالاعان بلوگەرلەر سانى كۇننەن كۇنگە ارتىپ كەلەدى. كوپشىلىگى زاڭدى بىلسە دە, ونى ەلەمەيدى. قولدانىستاعى اكىمشىلىك ايىپپۇلدار ولاردىڭ تابىسىنا شاققاندا وتە از. سول سەبەپتى مۇنداي ارەكەتتەرگە قىلمىستىق جاۋاپكەرشىلىك ەنگىزۋ قاجەت دەپ سانايمىز», دەدى ق. بيجانوۆ.
اگەنتتىكتىڭ مالىمەتىنشە, قازىر 18 بلوگەر اكىمشىلىك جاۋاپكەرشىلىككە تارتىلعان. ال بارلىعى 37 ينفليۋەنسەردىڭ زاڭسىز جارناما جاساعانى انىقتالعان.
ايتا كەتەيىك, بۇعان دەيىن, تامىز ايىندا دا وسىنداي دەرەكتەر جاريالانعان ەدى. سول كەزدە جىل باسىنان بەرى 34 بلوگەردىڭ ونلاين-ويىنداردى جارنامالاعانى بەلگىلى بولعان. ولاردىڭ 11-ءى اكىمشىلىك جازاعا تارتىلىپ, قالعان ىستەر مادەنيەت جانە اقپارات مينيسترلىگىنە جولدانعان.
