ياعني ەۋرازيالىق ەكونوميكالىق كوميسسيانىڭ 23 مامىرداعى №45 شەشىمىمەن بەكىتىلگەن وزگەرىستەر كۇشىنە ەنەدى. بۇل وزگەرىستەر «دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتكە قاتىستى بولىپ وتىر.
جاڭارتىلعان ەرەجەلەردە ء«بىر كولىك قۇرالى» ۇعىمى ناقتى ايقىندالعان. ەندى بۇل تەرمين جەكە تۇلعالاردىڭ ءوز پايدالانۋىنا ارناپ اكەلەتىن جالعىز اۆتوكولىكتى بىلدىرەدى. مۇنداي كولىكتەر جەكە پايدالانۋعا ارنالعان كولىك قۇرالدارى ساناتىنا جاتقىزىلادى.
سونىمەن قاتار, ەۋرازيالىق ەكونوميكالىق كوميسسيا مۇنداي كولىكتەردىڭ ناقتى ءتىزىمىن بەلگىلەگەن. بۇل ءتىزىم ەەك القاسىنىڭ 2017 جىلعى 30 ماۋسىمداعى №74 شەشىمىمەن بەكىتىلگەن جانە وعان اۆتوكولىكتەر مەن موتوتسيكلدەرگە ارنالعان تىركەمەلەردىڭ كەيبىر تۇرلەرى كىرەدى.
قاراپايىم تىلمەن ايتقاندا, 20 قازاننان كەيىن جەكە تۇلعالار شەتەلدەن ءوز قاجەتىنە كولىك اكەلگەندە, ول رەسمي تۇردە «جەكە پايدالانۋعا ارنالعان كولىك قۇرالى» رەتىندە تانىلىپ, جاڭا تەحنيكالىق تالاپتارعا ساي راسىمدەلەدى.
ولارعا مىنالار جاتادى:
ەاەو سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 8703 تاۋار پوزيتسياسىنا جاتاتىن جەڭىل اۆتوموبيلدەر (مەديتسينالىق ماقساتتارعا ارنالعان كولىك قۇرالدارىن قوسپاعاندا) جانە ادامداردى تاسىمالداۋعا ارنالعان باسقا دا اۆتوكولىك قۇرالدارى.
ەاەو سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 8703 تاۋار پوزيتسياسىنا جاتاتىن كۆادروتسيكلدەر, قار كەشكىش, قار مەن باتپاقتا جۇرەتىن كولىك, جول ءجۇرىس موتوكولىك جانە جالپى پايدالانۋداعى جولداردا پايدالانۋعا ارنالماعان باسقا دا موتورلى كولىك قۇرالدارى (جالپىعا ورتاق جولداردا پايدالانۋعا ارنالماعان جارىس اۆتوموبيلدەرىن قوسپاعاندا).
ەاەو سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 8711 تاۋار پوزيتسياسىنا جاتقىزىلعان موتوتسيكلدەر, موپەدتەر جانە موتوروللەرلەر.
ەاەو سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 8702 تاۋار پوزيتسياسىنا جاتاتىن جۇرگىزۋشىنى قوسا العاندا, 12 ادامعا دەيىن تاسىمالداۋعا ارنالعان اۆتوكولىك قۇرالدارى, راديواكتيۆتىلىگى جوعارى ماتەريالداردى تاسىمالداۋ ءۇشىن ارنايى ازىرلەنگەن اۆتوكولىك قۇرالدارىن قوسپاعاندا, ەاەو سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 8704.21, 8704.31, 8704.41 جانە 8704.51 قوسالقى پوزيتسيالارىنا جاتاتىن, جالپى سالماعى 5 توننانى قۇرايتىن, جۇكتەردى تاسىمالداۋعا ارنالعان اۆتوكولىك قۇرالدارى.
كولىك قۇرالدارى مەن ولاردىڭ قۇرامداس بولىكتەرىن, ەگەر ولار تەحنيكالىق رەگلامەنتتەرگە سايكەس بولسا, نارىقتا پايدالانۋعا رۇقسات ەتىلەدى.
جەكە كولىك قۇرالدارى ءۇشىن اينالىمعا شىعارىلعان كەزدە تەحنيكالىق رەگلامەنتتەرگە سايكەستىگىن كۋالاندىراتىن قۇجات كولىك قۇرالىنىڭ كونسترۋكتسياسىنىڭ قاۋىپسىزدىك كۋالىگىن (كقكقك) بولىپ تابىلادى.
قاۋىپسىزدىك كۋالىگى كەدەندىك رەسىمدەۋ, كولىك قۇرالىنىڭ ەلەكتروندىق پاسپورتىن بەرۋ جانە ۋتيل الىمىن تولەۋ كەزىندە قاجەت.
وسىلايشا, بيىلعى جىلعى 20 قازاننان باستاپ جەكە تۇلعالار ەەك القاسىنىڭ 2017 جىلعى 30 ماۋسىمداعى № 74 شەشىمىمەن بەكىتىلگەن تىزىمگە ەنگىزىلمەگەن كولىك قۇرالدارىنا كولىك قۇرالىنىڭ كونسترۋكتسياسىنىڭ قاۋىپسىزدىك كۋالىگىن الا المايدى, سوندىقتان: كەدەندىك رەسىمدەۋدى اياقتاۋعا, كولىك قۇرالىنىڭ ەلەكتروندىق پاسپورتىن الۋعا, كولىك قۇرالىنىڭ ۋتيل الىمىن تولەۋگە نەمەسە كولىكتى مەملەكەتتىك تىركەۋگە قويا المايدى.
