جىلۋ قوسۋ كەزەڭ-كەزەڭمەن التى كۇن ىشىندە جۇزەگە اسىرىلادى. كومپانيا وكىلدەرىنىڭ ايتۋىنشا, ەڭ الدىمەن تەحنيكالىق دايىندىق پاسپورتى بار نىساندارعا جىلۋ بەرىلەدى.
«الدىڭعى جىلدارداعىداي, قوسۋ جۇمىستارى تەحنيكالىق دايىندىققا بايلانىستى جۇرگىزىلەدى. قاجەتتى اكتىلەرى مەن قۇجاتتارى جوق نىساندار بارلىق جۇمىستار تولىق اياقتالعاننان كەيىن عانا قوسىلادى», دەلىنگەن «شىعىس جىلۋ» اق حابارلاماسىندا.
قازىرگى تاڭدا قالادا 66 كوپقاباتتى جانە 86 جەكە تۇرعىن ءۇي, 34 مەكتەپ پەن بالاباقشا, 17 مەديتسينالىق ۇيىم, 29 اكىمشىلىك عيمارات جانە 11 الەۋمەتتىك نىسان جىلىتىلا باستادى.
كومپانيا مالىمەتىنشە, قاتتى وتىن قورى – 19 486 توننا. بۇل 35 تاۋلىككە جەتكىلىكتى نورماتيۆتىك رەزەرۆكە سايكەس كەلەدى.
ايتا كەتەيىك, قاراعاندى قالاسىندا 2025 جىلعى 25 قىركۇيەككە قاراعان ءتۇنى جىلىتۋ ماۋسىمى باستالعان ەدى. سونىمەن قاتار بۇگىن ريددەر قالاسىنا جىلۋ بەرىلدى. استانادا دا جىلىتۋ ماۋسىمى ىسكە قوسىلدى.
باتىس قازاقستان وبلىسى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتىنشە, دەنساۋلىق ساقتاۋ نىساندارىنىڭ دايىندىعى 98%-عا جەتتى. بىرقاتار مەديتسينالىق مەكەمەلەردە كۇردەلى جوندەۋ جۇمىستارى جۇرگىزىلۋدە, ولار قىركۇيەك ايىندا تولىق اياقتالماق. سونداي-اق, ءبىلىم بەرۋ جانە مادەنيەت نىساندارىنىڭ 99%-ى, سپورت جانە الەۋمەتتىك سالا نىساندارى 100%-ى دايىن.
