ءبىر بايقاعانىمىز, شارۋاشىلىق سۋارمالى ەگىنشىلىك سالاسىندا دا وزىق تاجىريبە قولدانىپ وتىر. قازىر وندا «فرەگات», «Valley», «Reinke», «Zimmatic» ماركالى 36 زاماناۋي سۋارۋ قوندىرعىسى جۇمىس ىستەپ تۇر. بيىل سولتۇستىك قازاقستان وبلىسىنىڭ تاجىريبەسىن نەگىزگە الا وتىرىپ, قوسىمشا 600 گەكتارعا سۋارۋ جۇيەسى ەنگىزىلىپتى. وبلىس اكىمى بەرىك ءۋالي قازاقتىڭ اقباس سيىرى, اۋليەكول تۇقىمدارى باعىلاتىن جايىلىمدىق جەرلەردى, كارتوپ, ءسابىز, سارىمساق, جۇگەرى, قىرىققابات ءوسىرىلىپ جاتقان القاپتاردى, كوكونىستەر ساقتالاتىن قويمانى, زاماناۋي تەحنيكالارمەن جابدىقتالعان اۆتوپاركتى ارالاپ كوردى.
«اگروفيرما پريرەچنوە» جشس ورىستەن دۇكەن سورەسىنە دەيىن قاعيداتىن جۇزەگە اسىرادى. مەملەكەت باسشىسى «ۇلكەن قالالاردىڭ جانىندا ازىق-ت ۇلىك بەلدەۋىن قالىپتاستىرۋ كەرەك» دەپ ۇنەمى ايتادى. بيىلعى جولداۋىندا دا اگروونەركاسىپتى دامىتۋعا ەرەكشە توقتالدى. سەمەيدىڭ ىرگەسىندەگى شارۋاشىلىق پرەزيدەنت ايتقانداي, ازىق-ت ۇلىك بەلدەۋىن قالىپتاستىرىپ, تۇراقتاندىرۋ قورى نەگىزىندە قالانى ازىق-ت ۇلىكپەن تولىق قامتاماسىز ەتىپ وتىر. مۇنداي ۇلگىلى شارۋاشىلىقتار ءوڭىردىڭ الەۋمەتتىك-ەكونوميكالىق دامۋىنا ەلەۋلى ۇلەس قوسادى», دەدى وبلىس اكىمى.
«اگروفيرما پريرەچنوە» جشس باس ديرەكتورى مۇحيت تۇماباەۆتىڭ ايتۋىنشا, كاسىپورىن ءسابىز, سارىمساق, قىرىققابات, كارتوپ سەكىلدى ءونىم تۇرلەرىن تۇراقتاندىرۋ قورىنا جەتكىزەدى.
«بيىل شىعىمى جاقسى. سەمەي حالقىن كوكونىسپەن تولىق قامتيمىز. كوكونىستەردى جيناۋ جۇمىسى قازان ايىنىڭ سوڭىنا دەيىن اياقتالادى. قاراشادان مامىرعا دەيىن ونىمدەرىمىزدى قولجەتىمدى باعادا دۇكەنگە دەيىن جەتكىزىپ بەرەمىز», دەيدى.
كاسىپورىندا الداعى ۋاقىتتا 5 مىڭ باسقا ارنالعان بورداقىلاۋ الاڭى سالىنباق. ءوڭىر باسشىسى بورداقىلاۋ الاڭىنىڭ قۇرىلىس الاڭىنا بارىپ, نىساننىڭ العاشقى قازىعىن قاقتى. كاسىپ يەلەرىنىڭ ايتۋىنشا, جالپى قۇنى 4 ملرد تەڭگەنى قۇرايتىن جوبا كەلەسى جىلى اياقتالادى. وبلىس اكىمى مۇنىڭ ءبارى 2026 جىلى اباي وبلىسىندا پايدالانۋعا بەرىلەتىن ءىرى ەت كومبيناتىنىڭ شيكىزاتىن دايىنداۋ ءۇشىن اتقارىلىپ جاتقان جۇمىس ەكەنىن جانە بۇل باعىتتاعى جۇمىستى جالعاستىرا بەرۋ قاجەتتىگىن جەتكىزدى.
اباي وبلىسى
