سۋرەتتى تۇسىرگەن – ەسەنجول يسابەك
جاڭا روبوتتىڭ قاڭقاسى بەرىك مەتالدان جاسالعان, قوزعالىسى سەرۆوپريۆودتار ارقىلى جۇزەگە اسادى. ول يىق, تىزە, شىنتاق, جامباس سياقتى بۋىندارىن ەركىن قيمىلداتا الادى. باسىندا ورنالاسقان كامەرا نەمەسە سەنسور روبوتقا اينالاسىن كورۋگە, بەينە مەن سۋرەت جازۋعا مۇمكىندىك بەرەدى. سونداي-اق ونى ارنايى باعدارلاما ارقىلى ءارتۇرلى ارەكەتكە ۇيرەتۋ قاراستىرىلعان. ياعني قۇرىلعى ءجۇرۋ, بۇرىلۋ, قول كوتەرۋ, ءتىپتى قيمىل-قوزعالىستى قايتالاۋ سياقتى ارەكەتتەردى جاسايدى.
– گۋمانويد روبوت تەپە-تەڭدىگىن ساقتاپ جۇرە الادى, بيلەپ, ءيىلىپ نەمەسە قول كوتەرىپ قيمىل جاساي الادى. كامەراسى قورشاعان ورتانى باقىلاپ, بەينەجازبا تۇسىرەدى. روبوتتى قاشىقتان باسقارۋعا نەمەسە اۆتونومدى رەجىمدە جۇمىس ىستەۋگە بولادى. نەگىزىنەن وقۋشىلارعا روبوتتەحنيكا نەگىزدەرىن ۇيرەتۋ ءۇشىن پايدالانىلادى. سونىمەن قاتار جاساندى ينتەللەكتى جوبالارىندا, كومپيۋتەرلىك كورۋ جۇيەلەرىن دامىتۋدا, تاجىريبەلىك جارىستار مەن وليمپيادالاردا قولدانۋعا قولايلى, – دەپ حابارلادى وڭىرلىك ءبىلىم بەرۋ باسقارماسىنان.
ءبىلىم ۇيالارى جاڭا تەحنولوگيانى وقىتۋ ۇدەرىسىندە ءتيىمدى پايدالانىپ, وقۋشىلاردىڭ شىعارماشىلىق ويلاۋ قابىلەتىن, ينجەنەرلىك داعدىلارىن جانە عىلىمي زەرتتەۋ الەۋەتىن ارتتىرۋدى كوزدەپ وتىر.
پاۆلودار وبلىسى
