اقسۋ ەنەرگەتيكتەرى ورتالىق ازياداعى العاشقى يننوۆاتسيالىق سۇزگىلەر ورناتۋدى ويعا الدى.گيبريدتى سۇزگى ەكى بولىكتەن تۇرادى: ەلەكترلىك جانە جەڭدىك (قاپ سۇزگىلەرى). الدىمەن كاسىپورىننان شىعاتىن شاڭ-توزاڭ ەلەكترلى سەكتسيادا تازارتىلىپ, كەيىن جەڭدىك سۇزگىلەر ارقىلى تولىق سۇزىلەتىن بولادى. بۇل – قازىرگى تاڭدا قولدانىستاعى ەڭ وزىق تەحنولوگيالاردىڭ ءبىرى, حالىقارالىق تالاپتارعا تولىق جاۋاپ بەرەدى.
«مەملەكەت باسشىسى بيىلعى جولداۋىندا: «تابيعاتتى لاستامايتىنىنا كەپىلدىك بەرەتىن وزىق تەحنولوگيالاردى قولدانا وتىرىپ, كومىر ەنەرگەتيكاسىن دامىتۋعا ەرەكشە نازار اۋدارۋ قاجەت» دەپ اتاپ ءوتتى. بۇگىن قول قويىلعان كەلىءسىم ءدال وسى مىندەتكە ساي كەلەدى. بۇل – ERG اكتسيونەرلەرى بەكىتكەن ەكولوگيالىق ستراتەگيانىڭ جۇيەلى جالعاسى.2023 جىلى قازاقستاندا العاش بولىپ «قازاقستان ءاليۋمينيى» اق-نىڭ جەو قازاندىعىنا جەڭدىك سۇزگى تەحنولوگياسىن ەنگىزدىك. سونداي-اق اليۋميني زاۋىتىندا گيبريدتى سۇزگىلەردى ورناتىپ, اۋا ساپاسىن جاقسارتۋعا ۇلەس قوستىق. ونداعى 15 سۇزگىنىڭ 6-اۋىن جاڭا سۇزگىلەرگە اۋىستىردىق. ءتىپتى سۇزگىلەردى تازارتۋ جۇمىستارىن ونلاين تۇردە ەفيردەن تاماشالاۋعا بولادى. ءبىز جابدىقتاردى ەمەس, تەحنولوگيالاردى ساتىپ الىپ جاتىرمىز. بۇل - ءبىزدىڭ ۇزاق مەرزىمگە باعىتتالعان ەكولوگيالىق ستراگەگيامىزدىڭ ءبىر تارماعى عانا. كەلەشەكتە جەلدەن قۋات الاتىن 150 مۆت-تىق تۋربينالار سالۋ دا جوسپاردا تۇر», دەپ اڭگىمەلەدى ERG-ءدىڭ قازاقستانداعى باس ديرەكتورى سەرىك شاحاجانوۆ.
«ەەك» اق باس ديرەكتورى دۇيسەن مەرعاليەۆتىڭ ايتۋىنشا, Fujian Longking Co., Ltd كومپانياسىمەن جاسالعان كەلىسىمشارتقا سايكەس, اقسۋ ەلەكتر ستانساسىنداعى №4 جانە №7 ەنەرگيا بلوگىنا ءۇش گيبريدتى سۇزگى ورناتىلادى. بۇل سۇزگىلەر ورتالىق ازيادا العاش رەت ەنەرگيا ءوندىرۋشى كاسىپورىنداردا قولدانىلادى. ERG بۇل جوباعا 13 ملرد تەڭگەدەن استام قارجى قۇيىپ, قاتتى شىعارىندىلاردىڭ ۇلەسىن ەڭ وزىق الەمدىك ستاندارتتارعا ساي دەڭگەيگە دەيىن ازايتۋدى كوزدەپ وتىر.
«ءبىر سۇزگى شامامەن 6 مىڭ توننا قالدىقتى تۇتىپ قالادى. سوندا جىلىنا 18 مىڭ تونناعا دەيىن قالدىق اۋاعا شىعارىلمايدى دەگەن ءسوز. №4 بلوكتاعى سۇزگىنى 2026-2028 جىلدارى ورناتۋ جوسپارلانعان. ال رەكونسترۋكتسيادان ءوتىپ جاتقان № 7 بلوكقا ەكى سۇزگى قويىلادى. ونداعى سۇزگىلەردى دە 2028 جىلعا دەيىن ورناتۋ جوسپارلانعان. مۇنداي وزىق تەحنولوگيالىق جابدىقتار تمد ەلدەرى اراسىندا العاش رەت قويىلعالى وتىر. Longking كومپانياسى مۇنداي قۇرالداردى وسى ۋاقىتقا دەيىن 600-دەن استام كاسىپورىنعا ورناتقان. ستانسامىزداعى قازىرگى ىستەپ تۇرعان سۇزگىلەردى 40 جىلدان استام ۋاقىت پايدالانىپ كەلەمىز. ال جاڭا سۇزگىلەردىڭ پايدالانۋ مەرزىمى دە سونداي بولىپ قالادى دەپ شامالايمىز», دەدى ول.
ايتا كەتەرلىگى, Longking كومپانياسىنىڭ قورشاعان ورتانى قورعاۋ تەحنولوگيالارىمەن اينالىسقانىنا 50 جىلدان اسقان. كومپانيا ERG-مەن بىرلەسە وتىرىپ, قازاقستان ەنەرگەتيكاسىندا العاش رەت گيبءريدتى سۇزگىلەردى ەنگىزۋگە نيەتتەنگەن.
ء«بىزدىڭ تەحنولوگيامىز قىتايدا مەملەكەتتىك سىيلىققا يە بولعان. يننوۆاتسيالىق تەحنولوگيالارىمىز بۇعان دەيىن ەنەرگەتيكاداقولدانىلعان ءداستۇرلى تەحنولوگيالار شەشە الماعان ماسەلەلەردىڭ شەشىمىن تاپتى. بۇل جوبادا ERG مۇرجادان شىعۋ كەزىندەگى شاڭ-توزاڭنىڭ ۇلەسى نەبارى 20 ميلليگرام بولۋى كەرەك دەگەن تالاپ قويىپ وتىر.بۇل اتالعان كومپانيانىڭ ەكولوگيالىق جاۋاپكەرشىلىكتى تولىق سەزىنىپ وتىرعانىنىڭ كورىنىسى دەپ قابىلدادىق. قازاقستاندا كومىر گەنەراتسياسى ءالى دە ەنەرگيا تەڭگەرىمىندە ماڭىزدى ورىنعا يە ەكەنىن بايقايمىز. ال اقسۋ ەلەكتر ستانساسىنداعى جوبا – ءبىزدىڭ تەحنولوگيالارىمىزدى ورتالىق ازيادا قولدانۋدىڭ جاڭا كەزەڭى ءارى كومىر ەنەرگەتيكاسىن «جاسىل» ارناعا بۇرۋدىڭ ايقىن ۇلگىسى بولماق. Longking پەن ERG سەرىكتەستىگى ارقاسىندا ورتالىق ازيا ەنەرگەتيكاسىنا ۇلگى بولاتىن جوبا جۇزەگە اسادى دەگەن سەنىمدەمىز. گيبريدتى سۇزگىلەر ەكى بولىكتەن تۇرادى. ەلەكترلى سۇزگىلەردە ءتۇتىن مۇرجاسىنداعى شاڭ-توزاڭنىڭ 80 پايىزى ۇستالىپ قالسا, جەڭدىك سۇزگىلەر قالعان قالدىقتاردى بارىنشا تۇتىپ قالادى», دەپ ءتۇسىندىردى Fujian Longking كومپانياسىنىڭ باس ديرەكتورى حۋان ۆەي.
ERG كومپانياسى 2030 جىلعا دەيىن جۇزەگە اساتىن ەكولوگيالىق ستراتەگياسىندا ءوندىرىس ورىندارىنداعى قاتتى قالدىقتاردىڭ ۇلەسىن 56 پايىزعا, وندىرىستىك شىعارىندىلاردىڭ ۇلەسىن 30 پايىزعا دەيىن ازايتۋدى كوزدەپ وتىر. اتالعان باعىتتا وسى ۋاقىتقا دەيىن 70-تەن استام جوبا جۇزەگە اسىپ, 81 ملرد تەڭگە قارجى جۇمسالعان. كومپانيا, اسىرەسە ءوندىرىس ورىندارىندا اۆتوماتتاندىرىلعان مونيتورينگ جۇيەلەرىن ورناتۋدان كوپكە ۇلگى بولۋدا. 2019 جىلى پاۆلودارداعى اليۋميني زاۋىتىندا الگىندەي زامانعا ساي اۆتوماتتاندىرىلعان قۇرال-جابدىقتار قويىلىپ, كاسىپورىنداعى ەكولوگيالىق كورسەتكىشتەر وبلىس ورتالىعىنداعى ۇلكەن ەكراندار ارقىلى جۇرتشىلىققا اشىق كورسەتىلىپ كەلەدى. كومپانيا ەكولوگيالىق باعىتتاعى قۇرال-جابدىقتارى مەن تەحنولوگيالارىن ۇنەمى جاڭعىرتۋ ۇستىندە. ەلىمىزدەگى نورماتيۆتەرگە سايكەس, قولجەتىمدى ەڭ جاقسى تەحنولوگيالار ءار 8 جىل سايىن قاراستىرىلىپوتىراتىنىن ۇمىتپاۋىمىز كەرەك.
گيبريدتى سۇزگىلەر تاۋ-كەن – مەتاللۋرگيا سالاسىندا ءوزىنىڭ تيىمدىلىگىن بايقاتىپ وتىر. ورتاشا العاندا ول قاتتى قالدىقتاردى 15 پايىزعا ازايتا الادى. ال ERG-ءدىڭ ەكولوگيا جونىندەگى مەنەدجەرى دميتري سۋحانوۆ اتاپ كورسەتكەندەي, پاۆلودار اليۋميي زاۋىتىندا بۇل كورسەتكىش 22 پايىزدى باعىندىرعان. اتالعان سۇزگىلەردىڭ قالدىقتاردان تازارتۋ كورسەتكىشى 99,9 پايىزعا دەيىن جەتەدى. ەندەشە جاڭا ۇلگىدەگى قۇرالداردىڭ ەكولوگيالىق ناتيجەسى اسا جوعارى دەپ باعالاۋعا بولادى. ەۋروپالىق بيىك ستاندارتتارعا نەگىزدەلگەن جاڭا سۇزگىلەردءىڭ ارقاسىندا كومپانيا العا قويىپ وتىرعان ەكولوگيالىق ستراتەگياسىن جەمىستى تۇردە جالعاستىرا بەرەتىنىنە داۋ جوق.
