ەنەرگەتيكا مينيسترلىگىنىڭ حابارلاۋىنشا, جاڭعىرتۋ شارالارى اياسىندا تۇرعىنداردىڭ ءومىر ساپاسىن جاقسارتۋعا باسىمدىق بەرىلىپ وتىر. بۇل ءۇشىن جاڭا ەلەكتر جەلىلەرى جۇرگىزىلىپ, ەسكىلەرى قايتا قالپىنا كەلتىرىلۋدە, ەسكى جابدىقتار اۋىستىرىلىپ, زاماناۋي تەحنولوگيالار ورناتىلادى.
ايتا كەتەيىك, جوبانىڭ نەگىزگى وپەراتورى رەتىندە «قازاقستان كوممۋنالدىق جۇيەلەرى» كومپانيالار توبى مەن ونىڭ ەنشىلەس ۇيىمى «وڭتۇستىك جارىق ترانزيت» جشس بەلگىلەنگەن. اتالعان ۇيىمدار ەلەكتر ەنەرگياسىن ەسەپكە الۋدىڭ اۆتوماتتاندىرىلعان جۇيەسىن ەنگىزىپ, تسيفرلىق سەرۆيستەردى دامىتىپ, ترانسفورماتورلىق قوسالقى ستانسالار مەن جەلىلەردى جاڭعىرتىپ جاتىر.
«باستى جوبالار قاتارىندا – قۇنى 3,8 ملرد تەڭگە بولاتىن تۇركىستان قالاسىنداعى «ورتالىق – ياسسى» باعىتىنداعى 110 كۆ ەلەكتر جەلىسىنىڭ قۇرىلىسى بار. جوبا 2026 جىلدىڭ اقپان ايىندا اياقتالادى دەپ جوسپارلانعان. سونىمەن قاتار, ورداباسى اۋدانىندا 110 كۆ ەلەكتر بەرۋ جەلىسى قايتا جاڭعىرتىلىپ جاتىر. بۇعان قوسا, ۇزىندىعى 89,8 شاقىرىم بولاتىن 31 نىسانداعى تومەن ۆولتتى جەلىلەر جاڭارتىلۋدا. بۇل جۇمىستارعا 1,5 ملرد تەڭگە ينۆەستيتسيا سالىنعان. سونداي-اق جاڭا بۋىنداعى جوعارى تەمپەراتۋراعا ءتوزىمدى وتكىزگىشتەر ورناتىلىپ جاتىر», دەلىنگەن حابارلامادا.
سونىمەن قاتار «وڭتۇستىك جارىق ترانزيت» كومپانياسى جەكە ينۆەستيتسيالىق باعدارلاما اياسىندا 5,3 ميلليارد تەڭگە قارجى باعىتتاپ وتىر. سونىڭ ناتيجەسىندە 84 ترانسفورماتورلىق قوسالقى ستانسا جاڭارتىلىپ, 240 شاقىرىمنان استام ەلەكتر جەلىسى سالىنىپ, قايتا جوندەلگەن. قازىرگى تاڭدا تورتكۇل اۋىلىنداعى قوسالقى ستانسانى جاڭارتۋ مەن ءشاۋىلدىر – تورتكۇل ارالىعىندا 110 كۆ ەلەكتر جەلىسىن سالۋ جۇمىستارى جالعاسىپ جاتىر.
اۋقىمدى وزگەرىستەر قر ەنەرگەتيكا مينيسترلىگى مەن تۇركىستان وبلىسى اكىمدىگىنىڭ قولداۋىمەن جۇزەگە اسىپ جاتىر. مەملەكەتتىك ورگاندار مەن جەكە سەكتور اراسىنداعى سەرىكتەستىك ءوڭىردىڭ الەۋمەتتىك-ەكونوميكالىق دامۋىنا جاڭا سەرپىن بەرمەك.
