بۇل ساپاردىڭ ماقساتى – ۇلت تاريحىنا, ەتنوگرافياسىنا قاتىستى قۇندىلىقتاردى زەرتتەپ, كەڭىنەن ناسيحاتتاۋ.
ەكسپەديتسيا قۇرامىندا قر جازۋشىلار وداعى باسقارما توراعاسىنىڭ ورىنباسارى，اپپارات جەتەكشىسى，اقىن-جازۋشى عالىم قاليبەك ۇلى，"ەگەمەن قازاقستان" گازەتى باس رەداكتورىنىڭ ورىنباسارى تالعات باتىرحان，زەينوللا سانىك اتىنداعى مادەنيەت قورىنىڭ اتقارۋشى ديرەكتورى，اقىن سەرىك قاليەۆ，اقىن باقىتبەك ءبامىش ۇلى，جازۋشى ايزات راقىش，اقىن دۇيسەنالى الىماقىن بولدى.
ساپاردىڭ ەڭ ماڭىزدى ساتتەرىنىڭ ءبىرى – ۇلىتاۋعا باعىت العان كەزەڭ ەدى. تاريحي وڭىردە ەكسپەديتسيا مۇشەلەرى الاشا حان مەن جوشى حان كەسەنەلەرىنە ايالداپ, سان عاسىرلىق تاريحقا كۋا بولدى. قازاق مەملەكەتىنىڭ ىرگەتاسى قالانعان ۇلىتاۋدىڭ ءار تاسى – شەجىرە, ءاربىر ەسكەرتكىشى – ەلدىكتىڭ ايعاعى.
ەكسپەديتسيا مۇشەلەرى مۇنداي ساپاردىڭ تەك عىلىمي-تانىمدىق ەمەس, تاربيەلىك ءمانى زور ەكەنىن اتاپ ءوتتى. ويتكەنى تاريحي ورىنداردى ارالاۋ ارقىلى جاس ۇرپاقتىڭ ۇلتتىق تامىرعا دەگەن قىزىعۋشىلىعى ارتادى, ەل تاريحىنا قۇرمەتى كۇشەيەدى.
زەينوللا سانىك اتىنداعى مادەنيەت قورى وسى باستاماسى ارقىلى ەتنوگرافيا مەن رۋحانياتقا جاڭا دەم بەرۋدى كوزدەپ وتىر. ال جازۋشىلار وداعى ءۇشىن مۇنداي شارا – ادەبيەت پەن تاريحتى توعىستىراتىن ۇلكەن مۇمكىندىك.
ەكسپەديتسيا مۇشەلەرى ساپار بارىسىندا جيناعان دەرەكتەرىن الداعى ۋاقىتتا عىلىمي ماقالالار مەن كوركەم تۋىندىلارعا ارقاۋ ەتۋدى جوسپارلاپ وتىر.
ۇلى دالا توسىندە وتكەن بۇل تاعىلىمدى ساپار ۇلتتىق قۇندىلىقتارىمىزدى دارىپتەپ قانا قويماي, حالقىمىزدىڭ تاريحي جادىن جاڭعىرتقان ءماندى وقيعا بولىپ ەستە قالدى.
