كومپوزيتسيانىڭ ورتالىق بەينەسى – «ەر ەسىمى — ەل ەسىندە» دەگەن جازۋى بار پوليتسيا قىزمەتكەرىنىڭ سيلۋەتى. بۇل تۇراقتىلىق پەن قىزمەتكە دەگەن ادالدىقتى بىلدىرەدى.
مۋرال قازاقستان تاۋەلسىزدىگى جىلدارىندا قىزمەتتىك بورىشىن ابىرويمەن اتقارىپ ءجۇرىپ, قازا تاپقان 29 شىعىسقازاقستاندىق پوليتسەيدىڭ رۋحىنا ارنالدى.
— ء«اربىر قىزمەتكەر ءۇشىن بۇل ارت-نىسان جاي عانا سيمۆول ەمەس, بۇل – مىندەت. ءبىز ازاماتتاردىڭ سەنىمىن نىعايتىپ, قوعامدىق ءتارتىپ پەن قاۋىپسىزدىكتى قامتاماسىز ەتۋىمىز كەرەك. مەملەكەت باسشىسى اتاپ وتكەندەي, زاڭدى قاتاڭ ساقتاماي, زاماناۋي ءارى وركەندەگەن قوعام قۇرۋ مۇمكىن ەمەس. ءبىزدىڭ مىندەتىمىز – ءاربىر شىعىسقازاقستاندىق پەن وبلىسىمىزعا كەلگەن قوناق ءوزىن سەنىمدى سەزىنەتىندەي, پوليتسيا ءاردايىم جانىندا بولىپ, قورعاۋعا دايىن ەكەنىن بىلەتىن ورتا قالىپتاستىرۋ», — دەپ اتاپ ءوتتى شقو پوليتسيا دەپارتامەنتىنىڭ باستىعى, پوليتسيا گەنەرال-مايورى ەرلان وماربەكوۆ.
اشىلۋ سالتاناتىندا قازا تاپقان پوليتسەيلەردىڭ تۋعان-تۋىستارى دا بولدى. قىزمەتكەرلەردىڭ جۇبايلارى پوليتسيا دەپارتامەنتى ولاردىڭ وتباسىلارىن نازاردان تىس قالدىرماي, ۇزاق جىلدار بويى بايلانىسىن ۇزبەي كەلە جاتقانىن ايتتى.
پوليتسەيلەردىڭ ەسىمدەرى مەن ەرلىكتەرى ىشكى ىستەر ورگاندارىنىڭ تاريحىنا ماڭگىلىككە جازىلىپ, باتىلدىقتىڭ, انتىنا ادالدىقتىڭ جانە جوعارى كاسىبيلىكتىڭ ۇلگىسى بولىپ قالا بەرەدى.
