وقۋ ورنى «اۋىل شارۋاشىلىعىن مەحانيكالاندىرۋ», «اۆتوموبيل كولىگىن تەحنيكالىق پايدالانۋ, جوندەۋ جانە قىزمەت كورسەتۋ», «تىگىن ءوندىرىسى جانە كيىمدى مودەلدەۋ», «دانەكەرلەۋ ءىسى», «پايدالى قازبالاردى اشىق تاسىلمەن ءوندىرۋ», «ۆەتەريناريا», «تاماقتاندىرۋدى ۇيىمداستىرۋ» ماماندىقتارى بويىنشا كادرلار دايارلايدى.
«شاعىن ناۋبايحانانىڭ ماقساتى – دۋالدى وقىتۋدى دامىتۋ, ستۋدەنتتەردى ناقتى وندىرىستىك ورتادا تاجىريبەدەن وتكىزۋ جانە كاسىبي ماشىقتارىن جەتىلدىرۋ. مۇندا ستۋدەنتتەر قامىر يلەپ, دايىن ءونىم ءپىسىرۋ مەن ۇسىنۋعا دەيىنگى بارلىق كەزەڭدى مەڭگەرەدى. جۇمىس ۇدەرىستەرى وندىرىستىك ءتارتىپ پەن ساپا تالاپتارىنا ساي ۇيىمداستىرىلعان. ناۋبايحاناعا «LAI BAO» كومپانياسىنىڭ جاڭا ەلەكتر پەشى مەن قامىر يلەۋ جابدىعى ورناتىلدى. بۇل قۇرالدارمەن نان جانە كونديتەر ونىمدەرىن پىسىرۋگە بولادى. قازىر «تاماقتاندىرۋدى ۇيىمداستىرۋ» ماماندىعىندا 36 ستۋدەنت وقيدى. جاڭا ناۋبايحانا ولاردىڭ كاسىبي ماشىقتارىن جەتىلدىرۋگە ۇلكەن مۇمكىندىك بەرىپ وتىر», دەيدى ناۋبايشىلار.
قازىر بۇل كوللەدجدە 171 ستۋدەنت ءبىلىم الادى. وقۋ ۇدەرىسىن 65 قىزمەتكەر, ونىڭ ىشىندە 30 پەداگوگ قامتاماسىز ەتىپ وتىر.
اباي وبلىسى
