ماماندار اسكەرگە شاقىرتۋ ازاماتتارعا قاعاز جۇزىندە, سونداي-اق ۇيالى تەلەفونعا حابارلاما رەتىندە جىبەرىلەتىنىن ايتادى. شاقىرىلۋشىنىڭ تەلەفون ءنومىرى eGov-قا تىركەلگەنى ماڭىزدى ەمەس, باستىسى ول ۇيالى بايلانىس وپەراتورلارى ارقىلى ەنگىزىلىپ قويعان. SMS-حابارلاما العان جاعدايدا جاس جىگىت تۇرعىلىقتى جەرى بويىنشا قورعانىس ىستەرى بولىمىنە كەلۋگە مىندەتتى. ويتپەگەن جاعدايدا 5 ايلىق ەسەپتىك كورسەتكىش مولشەرىندە ايىپپۇل سالىنادى.
اتاپ وتەرلىگى, اسكەرگە شاقىرىلۋشىلاردىڭ اتىندا نەسيە بولسا, تولەمدەردى 13 ايعا كەيىنگە شەگەرۋ مۇمكىندىگى بەرىلەدى. بۇدان باسقا, اسكەردە قىزمەت ەتكەندەر دەموبيليزاتسيادان كەيىن ەكى جىل ىشىندە تەست تاپسىرماستان اقىلى نەگىزدە جوعارى وقۋ ورىندارىنا تۇسە الادى. بۇل ءۇشىن ولارعا سۇحباتتاسۋدان ءوتۋ جەتكىلىكتى. ال جاۋىنگەرلىك دايارلىقتا جوعارى ناتيجە كورسەتكەن اسكەري قىزمەتشىلەر گرانت ەسەبىنەن تەگىن جوعارى ءبىلىم الۋ مۇمكىندىگىنە يە.
پاۆلودار وبلىسى
