قىلمىستىق ءىستى تەرگەۋدى قارجىلىق مونيتورينگ اگەنتتىگىنىڭ اتىراۋ وبلىستىق دەپارتامەنتىنىڭ قىزمەتكەرلەرى جۇرگىزدى.
«تەرگەۋ ناتيجەسىندە ا.س.تيۋياكپاەۆتىڭ باسشىلىعىمەن س.ا.ارگالاش پەن ا.س.بۋلاتوۆتىڭ قاتىسۋىمەن تۇلعالار توبى ۇيىمداسىپ, 8 ملرد تەڭگەگە جالعان شوت-فاكتۋرالار راسىمدەۋ ارقىلى قولما-قول اقشاعا اينالدىرۋ, سالىق تولەۋدەن جالتارۋ سحەماسىن قۇرعانى انىقتالدى. وسىنىڭ سالدارىنان مەملەكەتكە 590 ملن تەڭگەدەن استام سالىق تولەنبەي, ءىرى كولەمدە زالال كەلتىرىلگەن. تيۋياكپاەۆ 342 ملن تەڭگە كولەمىندەگى قىلمىستىق كىرىستى باقىلاۋىنداعى كومپانيالاردىڭ ەسەپشوتتارى ارقىلى ءوزىنىڭ جۇبايىنىڭ جەكە شوتىنا اۋدارۋ ارقىلى زاڭداستىرعان», دەپ حابارلادى اگەنتتىكتىڭ ءباسپاسوز قىزمەتى.
سوت سانكتسياسىمەن 4 اۆتوكولىككە, 2 پاتەر مەن ءبىر تۇرعىن ۇيگە تىيىم سالىندى. تەرگەۋ كەزىندە كۇدىكتىلەر 236 ملن تەڭگەنى ءوز ەركىمەن وتەگەن.
«سوت ۇكىمىمەن تيۋياكپاەۆ, ارگالاش جانە بۋلاتوۆ كىنالى دەپ تانىلدى. ولارعا 2 جىل 4 ايدان 4 جىلعا دەيىن باس بوستاندىعىنان ايىرۋ جازاسى تاعايىندالدى. قىلمىستىق جولمەن تاپقان كىرىسكە ساتىپ الىنعان م ۇلىك – اتىراۋ قالاسىنداعى پاتەر مەن اۆتوكولىك مەملەكەت پايداسىنا تاركىلەندى. قالعان م ۇلىككە قاتىستى ازاماتتىق تالاپ شەشىلگەنگە دەيىن قامتاماسىز ەتۋ شارالارىن ساقتاۋ تۋرالى سوت شەشىمى قابىلداندى», دەپ مالىمدەدى اگەنتتىكتەن.
سوت ۇكىمى زاڭدى كۇشىنە ەنگەن جوق.
