ارنايى وپەراتسيانى قاراعاندى وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ۇقك وبلىستىق دەپارتامەنتى جانە كولىكتەگى پوليتسيا دەپارتامەنتىنىڭ قاراعاندى-سۇرىپتاۋ جەلىلىك پوليتسيا بولىمىمەن بىرلەسىپ, قاراعاندى وبلىسى كولىك پروكۋراتۋرىسىنىڭ قولداۋىمەن جۇرگىزدى.
جەدەل-ىزدەستىرۋ ءىس-شارالارى ناتيجەسىندە ديزەل ۇرلىعىنا قاتىستى 28 دەرەك قۇجاتتالدى. 17 كۇدىكتى قولعا ءتۇسىپ, ولاردىڭ زاڭسىز ارەكەتتەرىنە قاتىستىلىعى تەكسەرىلۋدە.
ءتىنتۋ بارىسىندا,شامامەن 500 كەلى ديزەل وتىنى, جانارماي تاسىمالداۋعا ارنالعان بوس كانيسترلەر, 2017 جىلى رەسەي ءىىم-دە جوعالعان رەتىندە تىركەلگەن اتىس قارۋى, 26 دانا وق-ءدارى,7 ۇيالى تەلەفون جانە ەسىرتكى زاتتارى تاركىلەندى.
اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلىپ جاتىر.
