ۇكىمەت • 12 قىركۇيەك, 2025

اباي وبلىسىنىڭ مەديتسيناسىنا ارناۋلى قوردان قارجى ءبولىندى

70 رەت

كورسەتىلدى

1 مين

وقۋ ءۇشىن

ەلىمىزدە زاڭسىز يەمدەنىلگەن اكتيۆتەردى قايتارىپ, ولاردى الەۋمەتتىك نىساندار سالۋعا باعىتتاۋ ءىسى جالعاسىپ كەلەدى. سونىڭ اياسىندا ارناۋلى مەملەكەتتىك قوردان اباي وبلىسىنا دەنساۋلىق ساقتاۋ سالاسىن دامىتۋعا 5,6 ملرد تەڭگە قاراستىرىلعان. قارجى ءوڭىردىڭ مەديتسينالىق ينفراقۇرىلىمىن جەتىلدىرۋگە جانە قىزمەت كورسەتۋ ساپاسىن كوتەرۋگە جۇمسالادى, دەپ حابارلايدى Egemen.kz.

قىرمىزى جۇماعاليقىزى

اباي وبلىسىنىڭ مەديتسيناسىنا ارناۋلى قوردان قارجى ءبولىندى

فوتو: قىرمىزى جۇماعاليقىزى

ۇكىمەتتىڭ ءباسپاسوز قىزمەتىنىڭ مالىمەتىنشە, ءۇرجار اۋىلىنداعى كوپسالالى ورتالىق اۋداندىق اۋرۋحاناعا قوسىمشا عيمارات سالىنىپ, زاماناۋي جابدىقتارمەن تولىقتىرىلماق. اياگوز قالاسىندا دا جاڭا كورپۋس بوي كوتەرۋدە, ول زاماناۋي ماگنيتتىك-رەزونانستىق توموگرافپەن قامتاماسىز ەتىلەدى. بۇل نىسانداردى بيىل قولدانىسقا بەرۋ جوسپارلانىپ وتىر.

«جوبالار ازاماتتاردى ۋاقتىلى جانە ساپالى مەديتسينالىق قىزمەتتەرمەن قامتۋ اياسىن كەڭەيتۋگە مۇمكىندىك بەرمەك.بۇعان دەيىن ارناۋلى مەملەكەتتىك قوردان سەمەي قالاسىندا 100 ورىندىق مەديتسينالىق-الەۋمەتتىك پسيحونەۆرولوگيا مەكەمەسىن سالۋعا 2,6 ملرد تەڭگە بولىنگەن بولاتىن», دەلىنگەن حابارلامادا.

مەملەكەت باسشىسى قاسىم-جومارت توقاەۆ ءوز جولداۋىندا دەنساۋلىق ساقتاۋ سالاسىن جاڭعىرتۋعا ەرەكشە كوڭىل ءبولىنىپ جاتقانىن ايتقان ەدى. قازىر ەل كولەمىندە اۋىلدىق فەلدشەرلىك-اكۋشەرلىك پۋنكتتەردەن باستاپ ءىرى اۋرۋحانالارعا دەيىن كەزەڭ-كەزەڭىمەن جاڭارتىلىپ كەلەدى. «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 540 جاڭا نىسان سالىنعان.