سۋرەت: azattyq.org
وسى كونتەكستە پرەزيدەنت قاسىم جومارت توقاەۆتىڭ پارتيالىق نەگىزدە پارلامەنت قۇرۋ ءۇشىن الدىمەن قوعاممەن جۇيەلى ءارى جان-جاقتى ديالوگ ورناتۋدىڭ قاجەتتىگىن اتاپ ءوتۋى – ورىندى شەشىم. ياعني ازاماتتاردىڭ ەرىك-جىگەرىنە نەگىزدەلگەن ساياسي تاڭداۋ مۇمكىندىگىن قامتاماسىز ەتۋ – ساياسي جۇيەنىڭ تۇراقتىلىعى مەن دەموكراتيالىق دامۋدىڭ كەپىلى.
دەپۋتاتتار سانى تۋرالى ناقتى شەشىم قابىلداۋ ءالى ەرتە, مۇنى ۋاقىت كورسەتەدى. دەگەنمەن باسقا مەملەكەتتەردىڭ تاجىريبەسىنە قاراساق, مىسالى, قىرعىزستاندا 300-گە جۋىق دەپۋتات بار. سوندىقتان ەلىمىزدە وڭىرلىك ءبولىنىس پەن پارتيالار سانىن ەسكەرە وتىرىپ, دەپۋتاتتار سانى 200-دەن كەم بولماۋعا ءتيىس.
مەملەكەت باسشىسىنىڭ جاساندى ينتەللەكت جانە تەحنولوگيالىق دامۋ مينيسترلىگىن قۇرۋ تۋرالى باستاماسى – ۋاقتىلى كوتەرىلگەن جانە ستراتەگيالىق تۇرعىدان وتە ماڭىزدى شەشىم. قازىر الەم ەلدەرى جاپپاي تسيفرلىق ترانسفورماتسيا كەزەڭىنەن ءوتىپ جاتىر. مەملەكەتتىك باسقارۋ جۇيەسى, ەكونوميكانىڭ ستراتەگيالىق سالالارى, ۇلتتىق قاۋىپسىزدىك پەن ينفراقۇرىلىم – بارلىعى دەرلىك تسيفرلىق پلاتفورمالار نەگىزىندە جۇزەگە اسىرىلا باستادى. وسىنداي جاعدايدا ەلىمىزدە ارنايى مينيسترلىك قۇرۋ اشىقتىقتى قامتاماسىز ەتۋگە, ادام فاكتورىنا تاۋەلدىلىكتى ازايتۋعا, جەمقورلىق تاۋەكەلدەرىن تومەندەتۋگە جانە ءتيىمدى باسقارۋ تەتىكتەرىن ەنگىزۋگە ايتارلىقتاي ۇلەس قوسادى.
ءارى پرەزيدەنت سوزىندە ءۇش نەگىزگى باعىت ەرەكشەلەندى. ءبىرىنشىسى – ءۇش جىلدىڭ ىشىندە تسيفرلىق مەملەكەت قۇرۋ قاجەتتىگى. ياعني قازىرگى زاماننىڭ تالاپتارىنا ساي وركەنيەت كوشىنەن قالماس ءۇشىن تسيفرلاندىرۋ اسا ماڭىزدى. ەكىنشىدەن, پرەزيدەنت ەكونوميكانىڭ بارلىق سالاسىنا جاساندى ينتەللەكتىنى ەنگىزۋدى اتاپ ءوتتى. ونەر مەن مادەنيەتكە دەيىن ءار سالانى تسيفرلىق تەحنولوگيالارمەن بايلانىستىرۋ مەملەكەتتىك باسقارۋ تيىمدىلىگىن ارتتىرۋعا مۇمكىندىك بەرەدى. ءۇشىنشىسى – پارتيالىق جۇيە اياسىندا پارلامەنتتىك رەفورمانى جۇرگىزۋ, جاساندى ينتەللەكتىنىڭ مۇمكىندىكتەرىن پايدالانا وتىرىپ, زاڭ شىعارۋدى جەدەلدەتۋ جانە اشىقتىقتى قامتاماسىز ەتۋگە باعىتتالعان ستراتەگيالىق وزگەرىس.
دەگەنمەن تسيفرلاندىرۋمەن قاتار, تسيفرلىق قاۋىپسىزدىكتى قامتاماسىز ەتۋ ماسەلەسى دە قاتار ءجۇرۋى قاجەت. ونلاين الاياقتىق, جەكە دەرەكتەردىڭ ۇرلانۋى, مەملەكەتتىك اقپاراتتىق جۇيەلەرگە شابۋىل جاساۋ سىندى قاۋىپ ارتىپ كەلەدى. بۇل باعىتتاردا جۇيەلى جۇمىس جۇرگىزىلمەسە, ەلىمىزدىڭ تەحنولوگيالىق جانە اقپاراتتىق قاۋىپسىزدىگىنە قاتەر ءتونۋى ىقتيمال. سول سەبەپتى تسيفرلىق ينفراقۇرىلىمدى دامىتۋمەن قاتار, كيبەرقاۋىپسىزدىك جۇيەسىن جەتىلدىرۋ جانە زاڭنامالىق تۇرعىدان بەكىتۋ – كەزەك كۇتتىرمەيتىن مىندەت.
وسىلايشا, مەملەكەتتىڭ تۇراقتى دامۋى ءۇشىن پارتيالىق جۇيەنى جەتىلدىرۋ, دەپۋتاتتار سانىن وپتيميزاتسيالاۋ, تسيفرلىق تەحنولوگيالاردى ءتيىمدى پايدالانۋ جانە اقپاراتتىق قاۋىپسىزدىكتى قامتاماسىز ەتۋ ماڭىزدى باعىتتار رەتىندە العا قويىلۋعا ءتيىس.
ەرمۇرات باپي,
ءماجىلىس دەپۋتاتى
