فوتو: اشىق دەرەككوز
ايتا كەتەيىك, جىلىنا شامامەن 600 ادام شىڭعا شىعۋعا تالپىنىپ, ءار الپينيست ورتا ەسەپپەن 8 كەلى قوقىس قالدىرادى. ول وتتەگى باللوندارى, گاز باللونشالارى, تاعام قالدىقتارى مەن بيولوگيالىق قوقىستار. بۇعان دەيىن بارلىعى قولمەن جينالسا, ەندى جاڭا تەحنولوگيا قالدىقتاردىڭ 70%-ىن شىعارۋعا مۇمكىندىك بەرىپ وتىر.
DJI FlyCart 30 ءبىر رەيستە 15 كەلىگە دەيىن جۇك تاسىمالدايدى. باعاسى 20 مىڭ دوللارعا دەيىن جەتەتىن قۇرىلعى -15,5 °C سۋىققا توتەپ بەرىپ, سەكۋندىنا 40 كم-گە دەيىن جەتەتىن قاتتى جەلدە دە جۇمىس ىستەي الادى. بۇدان بولەك, ءدال وسى دروندار اما-دابلام تاۋىندا قولدانىسقا ەنگىزىلىپ, 641 كەلى قوقىس تومەنگە ءتۇسىرىلدى.
2019 جىلدان باستاپ نەپال بيلىگى الپينيستەردەن 4 مىڭ دوللار كولەمىندە كەپىلدىك تالاپ ەتە باستادى. ەگەر الپينيست كەم دەگەندە 8 كەلى قوقىستى بىرگە الىپ تۇسسە, اقشا قايتارىلادى. ەكسپەديتسيا سانىن ازايتۋ ماسەلەسى قاراستىرىلىپ جاتقانىمەن, تۋريزمنەن تۇسەتىن كىرىس ەل ەكونوميكاسى ءۇشىن ماڭىزدى بولعاندىقتان, ازىرگە شەكتەۋ ەنگىزىلگەن جوق.
Airlift Ventures كومپانياسى كەلەسى كەزەڭدە ماناسلۋ تاۋىندا دا درونداردى سىناۋدى كوزدەپ وتىر. الايدا ول جاقتاعى قاتتى جەل جۇمىستى قيىنداتىپ تۇر.
