فوتو: اشىق دەرەككوز
پوليتسيا تاراتقان مالىمەتكە سايكەس, ول قر اقبتك-ءنىڭ 434-بابى («ۇساق بۇزاقىلىق») جانە 437-بابى («قوعامدىق ورىنداردى لاستاۋ») بويىنشا جاۋاپكەرشىلىككە تارتىلعان. مامانداندىرىلعان اۋدانارالىق اكىمشىلىك سوتتىڭ شەشىمىمەن جۇرگىزۋشى 10 تاۋلىككە قاماۋعا الىنعان.
«بۇل سياقتى ارەكەتتەر قوعامدىق قاۋىپسىزدىككە قاۋىپ ءتوندىرىپ, ءتارتىپتى بۇزادى. سوندىقتان ەلوردادا بۇزاقىلىق پەن ءۆانداليزمنىڭ الدىن الۋ شارالارى ۇزدىكسىز جۇرگىزىلىپ كەلەدى», دەلىنگەن حابارلامادا.
قالا اكىمدىگىنىڭ مالىمەتىنشە, بيىلعى جىلدىڭ باسىنان بەرى استانادا ۇساق بۇزاقىلىق پەن ۆانداليزمگە قاتىستى جۇزدەن استام ازامات اكىمشىلىك جازاعا تارتىلعان.
سونىمەن قاتار, «زاڭ جانە ءتارتىپ» قاعيداتى اياسىندا پوليتسيا پروكۋراتۋرامەن بىرلەسىپ, ءۆانداليزمنىڭ الدىن الۋعا ەرەكشە نازار اۋدارىپ وتىر. قولدانىستاعى زاڭناماعا سايكەس, وزگەنىڭ مۇلكىن ادەيى ءبۇلدىرۋ نەمەسە جويۋ ارەكەتى ءۇشىن 60 اەك-كە دەيىن ايىپپۇل سالۋ نەمەسە 30 تاۋلىككە دەيىن قاماۋعا الۋ قاراستىرىلعان.
