الماتى وبلىسى توتەنشە جاعدايلار دەپارتامەنتىنىڭ دەرەكتەرىنشە, ءورت 30 تامىز كۇنى ساعات 15:50-دە باستالعان. ءتىلسىز جاۋ شامامەن 30 گەكتار اۋماققا جايىلىپ, جەتى ساياجاي ءۇيىن, التى شارۋاشىلىق نىساندى, Honda Civic اۆتوكولىگىن, ءشوپ قويماسىن, باستىرما مەن تۇرعىن ءۇيدى شارپىعان. ءورت سوندىرۋشىلەر جەتكەن كەزدە بۇكىل اۋماق جانىپ جاتقان.
ءورتتى سوندىرۋگە الماتى وبلىسى تجد, الماتى قالاسىنان ارنايى بولىمشەلەر جانە جەرگىلىكتى اتقارۋشى ورگانداردىڭ كۇشى تارتىلدى. بارلىعى 27 ادام مەن 10 تەحنيكا جۇمىلدىرىلدى. قۇتقارۋشىلاردىڭ ارەكەتىنىڭ ارقاسىندا ءورت 00:20-دە اۋىزدىقتالدى.
— ءورت ورنىنان ءۇش ادامنىڭ دەنەسى تابىلدى. وقيعاعا بايلانىستى سوت-مەديتسينالىق ساراپتاما تاعايىندالدى. ءورتتىڭ سەبەبىن انىقتاۋ ءۇشىن الماتى وبلىسى تجد انىقتاۋ بولىمشەسى مەن ءورت سەبەپتەرىن زەرتتەۋ زەرتحاناسىنىڭ وكىلدەرى جۇمىس ىستەپ جاتىر, — دەپ حابارلادى ۆەدومستۆودان.
