فوتو: اشىق دەرەككوز
ەستەرىڭىزگە سالا كەتەيىك, يۋن سوك ءيولدىڭ ءوزى دە قازىرگى تاڭدا تەرگەۋ يزولياتورىندا وتىر. وعان اسكەري توتەنشە جاعداي ەنگىزۋگە تالپىنىسى ءۇشىن ايىپ تاعىلعان. بيىل ءساۋىر ايىندا وعان يمپيچمەنت جاريالانىپ, ول پرەزيدەنتتىك قىزمەتىنەن شەتتەتىلگەن بولاتىن.
ارنايى پروكۋرور مين دجۋن كي-ءدىڭ ايتۋىنشا, كيم كون حي كاپيتال نارىعى, ساياسي قورلار تۋرالى زاڭداردى بۇزىپ, دەلدالدىق ءۇشىن پارا العان.
تەرگەۋ مالىمەتىنە سايكەس, ول 2009–2012 جىلدارى اكتسيالارمەن مانيپۋلياتسيا جاساۋ سحەماسىن قارجىلاندىرىپ, 2022 جىلعى پرەزيدەنتتىك سايلاۋ الدىندا كۇيەۋىمەن بىرگە «ىقپالدى بروكەردەن» تەگىن سوتسيولوگيالىق ساۋالنامالار العان. بۇعان جاۋاپ رەتىندە ول ەكس-دەپۋتات كيم يون سۋننىڭ كەزەكتەن تىس پارلامەنت سايلاۋىنا تۇسۋىنە قولداۋ كورسەتكەن دەپ ايىپتالعان.
سونىمەن قاتار كيم كون حي 2022 جىلى بىرىگۋ شىركەۋىنەن ىسكەرلىك قىزمەتتەر ءۇشىن شامان ارقىلى قىمبات سىيلىقتار العان دەگەن كۇدىككە ىلىنگەن.
ايىپ رەسمي تۇردە ونىڭ الدىن الا قاماۋ مەرزىمى اياقتالۋىنا ەكى كۇن قالعاندا تاعىلعان. وسىعان بايلانىستى ول تاعى التى ايعا دەيىن قاماۋدا قالۋى مۇمكىن. ەگەر جاڭا ايىپتار انىقتالسا, قاماۋ مەرزىمى ۇزارتىلۋى ىقتيمال.
كيم كون حي قاماۋعا الىنعاننان بەرى بەس رەت تەرگەۋشىلەرگە جەتكىزىلگەنىمەن, كوبىنە ءوزىن-ءوزى ايىپتاماۋ قۇقىعىن پايدالانىپ كەلگەن. قازىر تەرگەۋ جالعاسىپ جاتىر. وعان زەرگەرلىك بۇيىمداردى بەرىپ, مەملەكەتتىك قىزمەتكە تاعايىنداۋلار نەمەسە ىسكەرلىك جەڭىلدىكتەر العان دەگەن كۇدىككە ىلىنگەن ادامداردىڭ ۇيلەرىندە ءتىنتۋ جۇرگىزىلىپ جاتىر.
ەسكە سالا كەتەيىك, قازىرگى تاڭدا وڭتۇستىك كورەيا پرەزيدەنتى – لي چجە ميون. ول بيىل 3 ماۋسىمدا وتكەن كەزەكتەن تىس سايلاۋدا جەڭىسكە جەتكەننەن كەيىن مەملەكەت باسشىسى بولىپ سايلاندى. بۇعان دەيىن, يۋن سوك يول قىزمەتىنەن كەتكەن سوڭ, ەلدى ۋاقىتشا پرەمەر-مينيستر حان دوك سۋ باسقارعان ەدى. ول كەيىن وتستاۆكاعا كەتىپ, ورنىنا جاڭا پرەمەر-مينيستر بولىپ كيم مين سوك تاعايىندالدى.
