فوتو: ۇكىمەتتىڭ ءباسپاسوز قىزمەتى
ولجاس بەكتەنوۆ تاۋ-كەن ونەركاسىبى ءوزىنىڭ ستراتەگيالىق ماڭىزىن ساقتاپ قالا بەرەتىنىن اتاپ ءوتتى. سيرەك جانە جەردە سيرەك كەزدەسەتىن مەتالداردىڭ كەن ورنىن يگەرۋ ەلىمىزدىڭ دامۋىنا قوسىمشا سەرپىن بەرىپ, شاحتەر ماماندىعىنىڭ ماڭىزىن ناقتىلاي تۇسەدى.
شاحتەرلەر مەن كەنشىلەر مەملەكەت باسشىسىنا جۇمىسشى ماماندىقتارىنا كوڭىل ءبولىپ كەلە جاتقانى ءۇشىن العىس ءبىلدىردى.
«بۇگىن ەلىمىزدە ەلەۋلى مەرەكە بولىپ جاتىر. وسى شاحتەر كۇنىمەن كەنشىلەردى قۇتتىقتايمىن. مەنىڭ بۇل سالاداعى جالپى ەڭبەك ءوتىلىم قىرىق جىلعا جۋىق. كەنشىلەردىڭ جۇمىسى جەمىستى, قاۋىپسىز بولسىن دەپ تىلەيمىن. ەڭبەگىمىزدى باعالاپ, ماراپاتتاپ جاتقان مەملەكەت باسشىسىنا زور العىسىمدى بىلدىرەمىن», دەيدى «قازاقمىس كورپوراتسياسى» جشس فيليالى – «قاراعاندىتۇستىمەت» ءوب «نۇرقازعان» كەنىشىنىڭ ديرەكتورى مۇقان ۇنگىتباەۆ.
جوعارى مەملەكەتتىك ناگراداعا يە بولعانداردىڭ قۋانىشىندا شەك جوق. ولار بۇل ماراپاتتار كەنشىلەردىڭ ەڭبەگىنە, توزىمدىلىگى مەن جانكەشتى ەڭبەگىنە بەرىلگەن جوعارى باعا دەپ ەسەپتەيدى.
«تاۋ-كەن وندىرىسىنە 1996 جىلى كەلدىم. سودان بەرى 28 جىلدىڭ ءجۇزى بولىپتى. بۇگىن ەڭبەگىمىز ەلەنىپ, جوعارى مەملەكەتتىك ماپراپات الىپ جاتقانىما العىسىمدى ايتامىن. كەلە جاتقان كاسىبي مەرەكەمىز قۇتتى بولسىن! وتباسىلارىڭىزعا اماندىق, جاقسىلىق تىلەيمىن. قۋانىشتى كۇندەرىڭىز كوپ بولسىن», دەيدى «قازاقمىس كورپوراتسياسى» جشس فيليالى – ق.ي. ساتباەۆ اتىنداعى «جەزقازعانتۇستىمەت» ءوب-ءنىڭ ۇڭگىلەۋشىسى ەربول ەسەتوۆ.
كەنشىلەر قاۋىمى تاۋ-كەن سالاسى, سونىڭ ىشىندە, كومىر ءوندىرۋ كاسىبى وتە ۇلكەن وڭ وزگەرىستەرگە ءۇشىراپ جاتقانىن ايتادى. سالادا قايتا جاڭعىرتۋ ءجۇرىپ, ءوندىرىستىڭ قارقىنىن ارتتىرۋ ماسەلەلەرى شەشىمىن تابۋدا.
«مەن مەملەكەت باسشىسىنا, ءبىزدىڭ كومپانيانىڭ باسشىلىعىنا مەنىڭ ەڭبەگىمدى لايىق باعالاپ, جوعارى ناگراداعا ۇسىنعانى ءۇشىن راحمەتىمدى ايتامىن. بۇل تەك ماعان عانا ەمەس, ۇجىمىما, ارىپتەستەرىمە بەرىلگەن باعا دەپ بىلەمىن. ءوزىم كومىر ونەركاسىبىندە 40 جىلدان استام ۋاقىت قىزمەت ەتىپ كەلەمىن. ەڭبەك جولىمدى تاۋ-كەن شەبەرى بولىپ باستاپ, دەپارتامەنت ديرەكتورى قىزمەتىنە دەيىن كوتەرىلدىم. بۇل ماماندىقتى جاستايىمنان تاڭدادىم, مەكتەپ بىتىرگەن سوڭ پوليتەحنيكالىق ينستيتۋتقا وقۋعا ءتۇستىم. سودان بەرگى ارالىقتا, تاۋ-كەن سالاسى, سونىڭ ىشىندە, كومىر ءوندىرۋ كاسىبى وتە ۇلكەن تابىستارعا قول جەتكىزدى. قايتا جاڭعىرتۋ ءجۇرىپ جاتىر, قاۋىپسىزدىك ماسەلەلەرى, ءوندىرىستىڭ قارقىنىن ارتتىرۋ ماسەلەلەرى شەشىمىن تابۋدا. بۇل وزگەرىستەردە ۇلكەن ۇجىمنىڭ ۇشان-تەڭىز ەڭبەگى جاتىر. وسىعان وراي بارشا شاحتەرلەردى بۇگىنگى كاسىبي مەرەكەمەن قۇتتىقتاپ, زور دەنساۋلىق, ىرىس-بەرەكە تىلەيمىن», دەيدى «Qarmet» اق كومىر دەپارتامەنتىنىڭ ءوندىرىس جونىندەگى ديرەكتورى تولەگەن شاياحمەتوۆ.
كومىر جانە تاۋ-كەن سالاسىن دامىتۋعا قوسقان ۇلەسى ءۇشىن ەرەكشە كوزگە تۇسكەن قىزمەتكەرلەرگە مەملەكەتتىك ناگرادالار مەن قۇرمەتتى اتاقتار تابىس ەتىلدى.
ماراپاتتالعاندار:
«قازاقستاننىڭ ەڭبەك سىڭىرگەن كەنشىسى» قۇرمەتتى اتاعى:
كراسنوششەكوۆ سەرگەي ۆاسيلەۆيچ – «Qarmet» اق ءتۇسىپ كۇزەمباەۆ اتىنداعى شاحتانىڭ جەراستى تاۋ-كەن جۇمىسشىسى
ەسەتوۆ ەربول جاعىپار ۇلى – «قازاقمىس كورپوراتسياسى» جشس فيليالى – ق.ي. ساتباەۆ اتىنداعى «جەزقازعانتۇستىمەت» ءوب-ءنىڭ ۇڭگىلەۋشىسى
باجاقانوۆ يسماعۇل جاركەت ۇلى – «قازحروم» اق دون تاۋ-كەن بايىتۋ كومبيناتى (ERG) «بولاشاق» شاحتاسىنىڭ ۇڭگىلەۋشىسى
«قۇرمەت» وردەنى:
جانايداروۆ بەيبىت قامشىباي ۇلى – «Qarmet» اق «شاحتينسكايا» شاحتاسىنىڭ ەلەكتر سلەسارى
سوروچكين الەكساندر ۆاسيلەۆيچ – «Qarmet» اق ءتۇسىپ كۇزەمباەۆ اتىنداعى شاحتانىڭ ۇڭگىلەۋشىسى
قىدىرالين بولات سابىر ۇلى – «شۇباركول كومىر» اق «ورتالىق» تاۋ جۇمىستارى تەلىمىنىڭ ەكسكاۆاتور ءماشينيسى
سەمەيباەۆ سىرىم سايرانبەك ۇلى – «Qarmet» اق باسقارما مۇشەسى – باسقارما توراعاسىنىڭ ءبىرىنشى ورىنباسارى
شاياحمەتوۆ تولەگەن ءنابي ۇلى – «Qarmet» اق كومىر دەپارتامەنتىنىڭ ءوندىرىس جونىندەگى ديرەكتورى
III دارەجەلى «ەڭبەك دانقى» وردەنى:
ايتپاەۆ مەيىربەك ابدىقاميت ۇلى – «قازاقمىس كورپوراتسياسى» جشس فيليالى – ق.ي. ساتباەۆ اتىنداعى «جەزقازعانتۇستىمەت» ءوب-ءنىڭ VI رازريادتى جارۋشىسى
ارناۋتوۆ پەتر ميحايلوۆيچ – «وركەن» جشس «باتىس قاراجال» شاحتاسىنىڭ ەلەكتر سلەسارى
الكەنوۆ نۇرلان تۇياق ۇلى – «ەۋروازيالىق ەنەرگەتيكالىق كورپوراتسياسى» اق (ERG) «شىعىس» رازرەزىنىڭ ەكسكاۆاتور ءماشينيسى
نادەجكين الەكساندر ۆاسيلەۆيچ – «Qarmet» اق قاراعاندى كولىك-جۇك تيەۋ باسقارماسىنىڭ تەپلوۆوز ءماشينيسى
پودوپريگورا ولەگ الەكساندروۆيچ – «قازحروم تۇك» اق (ERG) شاحتا قۇرىلىس تسەحىنىڭ باستىعى
رەكا يگور پەتروۆيچ – «قازاقمىس كورپوراتسياسى» جشس فيليالى – ق.ي. ساتباەۆ اتىنداعى «جەزقازعانتۇستىمەت» ءوب-ءنىڭ ءىى رازريادتى كەنشىسى
تورەبەكوۆ ەرجان سەرىك ۇلى – «Qarmet» اق «شاحتينسك» شاحتاسىنىڭ ۇڭگىلەۋشىسى
ۇنگىتباەۆ مۇقان جالعاس ۇلى – «قازاقمىس كورپوراتسياسى» جشس فيليالى – «قاراعاندىتۇستىمەت» ءوب «نۇرقازعان» كەنىشىنىڭ ديرەكتورى
ءىلياسوۆ رۋسلان سەرىكباي ۇلى – «Qarmet» اق قاراعاندى جۇك تيەۋ-كولىك باسقارماسىنىڭ تەپلوۆوز ءماشينيسى
«ەرەن ەڭبەگى ءۇشىن» مەدالى:
اندرونۋتسا يۋري الەكساندروۆيچ – «شۇباركول كومىر» اق №1 اۆتوكولونناسىنىڭ تاۋ كولىگى جۇرگىزۋشىسى
يسەكەەۆا روزا قادىربەكقىزى – «قازحروم» تۇك» اق (ERG) كەن بايىتۋ جانە كەسەكتەۋ ديسپەتچەرى
پوپوۆ يگور نيكولاەۆيچ – «شۇباركول پرەميۋم» اق №2 اۆتوكولونناسىنىڭ جول-كولىك ماشينالارىنىڭ ءماشينيسى
پروكوپوۆ الەكساندر نيكولاەۆيچ – «Qarmet» اق «ساران» شاحتاسىنىڭ تاۋ-كەن جۇمىسشىسى
پۋتىرسكي اناتولي اركادەۆيچ – «قازاقمىس كورپوراتسياسى» جشس فيليالى – ق.ي. ساتباەۆ اتىنداعى «بالقاشتۇستىمەت» ءوب «ساياق-1» شاحتاسىنىڭ V رازريادتى جارۋشىسى
سارسەمباەۆ راشيد بارلىباي ۇلى – «وركەن» جشس («Qarmet» اق) باس كەنشىسى
سوعىمباەۆ ازات بولىسبەك ۇلى – «شىعىستۇستىمەت» جشس ەرتىس شاحتاسىنىڭ №2 تەلىمىنىڭ ۇڭگىلەۋشىسى
حامەتوۆ دۇيسەمباي جايمىرزا ۇلى – «شۇباركول پرەميۋم» اق №2 اۆتوكولونناسىنىڭ اۆتوموبيل جۇرگىزۋشىسى
