ەندى ءتارتىپ ساقشىلارى مەگاپوليستەگى №1 كلينيكالىق اۋرۋحانانى, №2 جانە №3 قالالىق اۋرۋحانالاردى, پەريناتالدىق ورتالىقتى, قالالىق پەرزەنتحانا مەن بالالار اۋرۋحاناسىن كۇزەتەتىن بولادى.
پوليتسيا بەكەتتەرىن ۇيىمداستىرۋ بۇزاقىلىق وقيعالارعا جەدەل جاۋاپ بەرۋگە, شيەلەنىستەردىڭ الدىن الۋعا, سونداي-اق مەديتسينا قىزمەتكەرلەرى مەن پاتسيەنتتەردىڭ قاۋىپسىزدىگىن قامتاماسىز ەتۋگە مۇمكىندىك بەرەدى. جوعارىدا ايتقانىمىزداي بۇل شارا مەديتسينا قىزمەتكەرلەرىنە شابۋىل جاساۋ وقيعالارىنىڭ كوبەيۋىنە بايلانىستى قابىلداندى. وسى ورايدا مەملەكەت باسشىسى قاسىم-جومارت توقاەۆتىڭ قىزمەتتىك مىندەتتەرىن اتقارۋ كەزىندە مەديتسينا قىزمەتكەرلەرىنە قاتىستى زورلىق-زومبىلىق ءۇشىن جازانى قاتاڭداتۋ جونىندە تاپسىرما بەرگەنىن دە ايتا كەتكەن ءجون.
سونىمەن قاتار, شىمكەنت قالالىق دەنساۋلىق ساقتاۋ باسقارماسى «قالالىق جۇقپالى اۋرۋلار اۋرۋحاناسىندا», «ت. ورىنباەۆ اتىنداعى گيپەرباريالىق وكسيگەناتسيا ورتالىعى» مەن «حاديشا» ەمحاناسىندا تاۋلىكتىك كەزەكشىلىك ۇيىمداستىرىپ, ءتارتىپتى ساقتاۋ ءۇشىن مەديتسينالىق مەكەمەلەردى باقىلاۋعا الۋ تۋرالى جەرگىلىكتى پوليتسيا دەپارتامەنتىنە حات جولدادى.
شىمكەنت
