فوتو: egemen.kz/ ەرلان ومار
بيىل كومەك 500 مىڭنان استام بالاعا كورسەتىلەدى. ونىڭ ىشىندە – جەتىم بالالار, اتا-اناسىنىڭ قامقورلىعىنسىز قالعاندار, از قامتاماسىز ەتىلگەن جانە اتاۋلى الەۋمەتتىك كومەك الۋشى وتباسىلاردىڭ بالالارى, سونداي-اق ومىرلىك قيىن جاعدايعا تاپ بولعان بالالار بار.
بۇگىندە استانا مەن شىمكەنت قالالارىندا قاراجات تولىق كولەمدە اۋدارىلعان.
«وڭىرلەر اتا-انالاردىڭ ەسەپشوتتارىنا قاراجاتتى بەلسەندى اۋدارىپ جاتىر. كومەك العاندار ساتىپ الىنعان تاۋارلاردى راستايتىن قۇجاتتاردى ۇسىنۋى ءتيىس. تولەمدى الۋ ءۇشىن ءوتىنىش جازۋ جەتكىلىكتى», دەدى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
2025 جىلى «جالپىعا بىردەي ءبىلىم بەرۋ» قورى بويىنشا جالپى قارجىلاندىرۋ كولەمى 23,1 ملرد تەڭگەنى قۇراعان. تولەم مولشەرى وڭىرلىك بيۋدجەتكە سايكەس, ءماسليحات شەشىمى نەگىزىندە بەلگىلەنەدى جانە ءبىر بالاعا كەمىندە 46 228 تەڭگەدەن تومەن بولماۋى ءتيىس.
ايتا كەتەيىك, 2023 جىلدان بەرى ماتەريالدىق كومەك كولەمى 2,5 ەسەگە ءوسىپ, 17 مىڭنان 46 مىڭ تەڭگەگە دەيىن ارتقان.
