قايعىلى وقيعا 15 تامىزدا ورىن الدى, بىراق ول تۋرالى بۇگىن عانا بەلگىلى بولدى. استانا قالالىق پوليتسيا دەپارتامەنتىنىڭ مالىمەتىنشە, 22 جاستاعى قىزدىڭ ولىمىنە قاتىستى قىلمىستىق ءىس قوزعالدى.
«قازىرگى ۋاقىتتا بولعان وقيعانىڭ بارلىق ءمان-جايىن انىقتاۋ بويىنشا جۇمىس جۇرگىزىلىپ جاتىر», دەپ اتاپ ءوتتى پوليتسيا.
نازارباەۆ ۋنيۆەرسيتەتىنىڭ ءباسپاسوز قىزمەتى قايعىلى وقيعانىڭ كامپۋس اۋماعىندا بولعانىن راستادى.
«ۋنيۆەرسيتەت مارقۇمنىڭ وتباسى مەن جاقىندارىنا شىن جۇرەكتەن كوڭىل ايتادى. بارلىق قاجەتتى شارالار ورىندالىپ جاتىر: جەدەل قىزمەتتەر مەن قۇقىق قورعاۋ ورگاندارى تارتىلىپ, مارقۇمنىڭ تۋىستارىنا پسيحولوگيالىق قولداۋ كورسەتىلىپ جاتىر», دەپ حابارلادى ۋنيۆەرسيتەتتىڭ ءباسپاسوز قىزمەتى.
ايتا كەتەيىك, بۇل نازارباەۆ ۋنيۆەرسيتەتىندە جاز مەزگىلىندە ورىن العان ەكىنشى قايعىلى جاعداي. بۇعان دەيىن 18 ماۋسىمدا ستۋدەنت قىزدىڭ جاتاقحانادان ءولى تابىلعانى انىقتالعان ەدى.
