فوتو: جاساندى ينتەللەكت
سامميت انكوريدج قالاسىنداعى ەلمەندورف-ريچاردسون اسكەري-اۋە بازاسىندا وتەدى. رەسەي پرەزيدەنتىنىڭ كومەكشىسى يۋري ۋشاكوۆتىڭ حابارلاۋىنشا, كەلىسسوزدەر الدىمەن اۋدارماشىلاردىڭ كومەگىمەن ەكىجاقتى فورماتتا باستالىپ, كەيىن دەلەگاتسيالار قۇرامىندا جالعاسادى. ودان سوڭ جۇمىس تاڭعى اسى جوسپارلانعان.
رەسەي دەلەگاتسياسىندا سىرتقى ىستەر ءمينيسترى سەرگەي لاۆروۆ, قورعانىس ءمينيسترى اندرەي بەلوۋسوۆ, قارجى ءمينيسترى انتون سيلۋانوۆ, پرەزيدەنت كومەكشىسى يۋري ۋشاكوۆ جانە شەتەلدىك ينۆەستيتسيالار مەن ەكونوميكالىق ىنتىماقتاستىق جونىندەگى ارنايى وكىل كيريلل دميتريەۆ بار.
كەزدەسۋ قورىتىندىسىندا ەكى پرەزيدەنت بىرلەسكەن ءباسپاسوز ءماسليحاتىن وتكىزەدى. نەگىزگى تالقىلاۋ تاقىرىبى – ۋكرايناداعى جاعدايدى رەتتەۋ. بۇل رەتتە 6 تامىزدا كرەملدە اقش ارنايى وكىلى ستيۆەن ۋيتكوفف قاتىسقان كەلىسسوزدەر ناتيجەسى دە ەسكەرىلمەك.
سونىمەن قاتار, تاراپتار بەيبىتشىلىك پەن قاۋىپسىزدىكتى نىعايتۋ, ەكىجاقتى ءوزارا ءىس-قيمىل جانە ساۋدا-ەكونوميكالىق ىنتىماقتاستىق ماسەلەلەرىن قاراستىرۋى مۇمكىن.
