فوتو: informburo.kz
وبلىس اكىمى سەرىك شاپكەنوۆتىڭ ايتۋىنشا, مۇنايلى شاھارعا ۋربانيستيكا ورتالىعى قاجەت. وسى ورايدا ورتالىق ماماندارىنا بىرنەشە مىندەت جۇكتەلەدى.
«ورتالىقتىڭ نەگىزگى مىندەتى – قالاداعى قوعامدىق كەڭىستىكتەردىڭ, سونىڭ ىشىندە ساياباقتاردىڭ, كوشەلەر مەن گۇلزارلاردىڭ سانىن ارتتىرىپ, شاھار كەيپىن جاقسارتۋ جانە ديزاين-كود ەنگىزۋ. ۋربانيستيكا ورتالىعى وبلىستىق قۇرىلىس, ساۋلەت جانە قالا قۇرىلىسى باسقارماسى جانىنان قۇرىلادى. ورتالىقتىڭ ۇسىنىستارى جاڭا نىسانداردى جوبالاۋ كەزىندە ەسكەرىلەدى. ورتالىق جۇمىسىنا ۋربانيستيكا سالاسىنىڭ ماماندارى تارتىلادى», دەيدى سەرىك شاپكەنوۆ.
