ءىس-شاراعا قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ, قر پارلامەنتى سەناتىنىڭ دەپۋتاتى, رەسپۋبليكالىق «جومارت جان» ورتالىعىنىڭ باسشىسى ەۆگەني بولگەرت, ەلوردالىق ەتنومادەني بىرلەستىكتەردىڭ وكىلدەرى جانە قوعامدىق بەلسەندىلەر قاتىستى.
الاڭ قازاقستان حالقى اسسامبلەياسىنىڭ باستاماسىمەن جانە ۇيىمنىڭ 30 جىلدىعىنا وراي 2025 جىلعى 1 مامىردا وتكەن «بىرلىك جۇگىرىسى» قايىرىمدىلىق مارافونى كەزىندە جينالعان قاراجاتقا سالىندى. جوبا قحا-نىڭ «جەڭىس – بىرلىكتە» سپورتتىق پلاتفورماسى اياسىندا جۇزەگە اسىرىلىپ, مۇمكىندىگى شەكتەۋلى جاندارعا قولجەتىمدى سپورت ينفراقۇرىلىمىن دامىتۋعا باعىتتالعان جالپىۇلتتىق قوزعالىستىڭ ماڭىزدى بولىگىنە اينالدى.
استاناداعى بۇل العاشقى سپورت الاڭىنىڭ اشىلۋى قازاقستاننىڭ بارلىق وڭىرلەرىن قامتيتىن ىزگى ءداستۇردىڭ باستاۋىنا اينالىپ وتىر. جوبا ۇيىمداستىرۋشىلارىنىڭ ايتۋىنشا, بۇل باستاما قوعامداعى بىرلىك پەن ءوزارا قولداۋدىڭ ناقتى ۇلگىسى بولىپ, ەل ازاماتتارىن قايىرىمدىلىق پەن الەۋمەتتىك جاۋاپكەرشىلىككە جۇمىلدىرادى.
